Мозокот на космонаутите се менува во Вселената



Мозокот на космонаутите се менува во Вселената - МИА

Санкт Петербург, 15 септември 2020 () – Мозокот на астронаутите кои престојуваат на Меѓународната вселенска станица (МВС) се менува за тие да можат да се прилагодат на вселенските услови, објаснуваат руски научници.

Се работи за новиот научен труд на Елена Томиловскаја – истражувачка на Институтот за медицински и биолошки прашања при Руската академија на науките. Во него, се вели дека истражувањата врз 11 руски астронаути покажуваат дека за време на нивниот престој на МВС, содржината на нивната сива материја во мозокот се намалила, додека обемот на бела материја и нивната ’рбетно-мозочна течност се зголемиле.

Од 2013 година, руската вселенска агенција Роскосмос заедно со Европската вселенска агенција, спроведуваат експерименти за проучување на мозокот на астронаутите.

– Откриено е зголемување на белата маса во деловите поврзани со контролата на движењето, рамнотежата и положбата на телото. Ова се должи на фактот дека мозокот мора да се прилагоди и да развие нови стратегии за бестежинската состојба во просторот. Потребна е поинаква моторна контрола во тие усллови, бидејќи во Земјината Орбита начинот на движење е сосема поинаков и тоа повеќе личи на пливање, појаснува Томиловскаја.

Тој процес, сепак, не е неповратен. Меѓу шест и седум месеци по нивното враќање на Земјата, космонаутите си го враќаат првичниот волумен на сива материја. Ова говори и за фактот дека во вселенски услови нема забрзано умртвување на нервните клетки.

– Тоа е повеќе како задебелување на сивата материја како резултат на зголемениот волумен на ’рбетно-мозочната течност, вели Томиловскаја.

Во орбитата, како што посочуваат истражувањата, луѓето можат да издржат поголеми мозочно-умствени оптоварувања во различни ситуации и состојби.


Бизнис и економија

Цената на горивата останува иста

  Регулаторната комисија за енергетика и водни услуги донесе одлука со која малопродажните цени на ЕУРОСУПЕР БС-95, ЕУРОСУПЕР БС-98, ЕУРОДИЗЕЛ (Д-Е V) и Екстра лесното масло за домаќинство (ЕЛ-1) остануваат на исто ниво како минатата […]

Вести

Четири лица починаа, потврдени се 48 нови случаи на коронавирус во Македонија

Во последните 24 часа, потврдени се 48 нови случаи на коронавирус од 387 тестови, а починаа четири лица,  соопшти Министерството за здравство. Во Скопје се потврдени 20 нови случаи, во Кочани – девет, во Струмица […]

Вести

Ѓоргиев: За нас останува неприфатливо барањето Гоце Делчев да биде запишан како Бугарин

– Барањето на Бугарија Гоце Делчев да биде запишан како Бугарин, за македонската страна останува неприфатливо, вели Драги Ѓоргиев копретседател на македонскиот тим во Мешовитата комисијата за историски прашања  со Бугарија. Тој во интервју за […]

Биди првиот кој ќе коментира

Вашиот коментар

Твојата е-маил адреса нема да биде објавена.


*