Зелениот транспорт ќе ги замени автомобилите во поголемите градови до 2030 година


 Одржливиот транспорт, од јавниот превоз до велосипедизмот, може да ги замени автомобилите во најголемите градови во светот до 2030 година, покажува студијата на Мобилити, објавена денеска.

Возењето со приватни автомобили ќе се намали во просек за десет проценти до 2030 година, додека јавниот превоз, пешачењето и велосипедизмот ќе ја зголемат популарноста.

– Работата на секој градоначалник и на градските власти е да преземе нешто, рече Ролф Кулен од консултантската компанија „Кантар“, која ја изработи студијата со која е опфатен 31 град.

Повеќе од половина од населението живее во градовите и се очекува тој број да се зголеми до 2050 година на речиси 70 отсто.

Патувањата со приватни автомобили моментално сочинуваат повеќе од половина од сите патувања во големите градови, но ќе паднат до 46 проценти до 2030 година, наведуваат истражувачите кои анкетирале повеќе од 200.000 жители од Њујорк до Најроби.

Во исто време, јавниот превоз, велосипедизмот или пешачењето чинат 49 отсто од градскиот промет, создавајќи глобална „преодна точка“ кон одржливо патување, наведуваат стручњаците.

Тие посочуваат дека околу 40 проценти од луѓето во светот се отворени за нови форми на патување. Но, како што велат, градовите треба да инвестираат во технологија за да се овозможи промена кон позелен транспорт.


Вести

Комисијата во МВР разгледала 77 барања од граѓани за издавање пасоши

Комисијата во МВР која со решение на министерот за внатрешни работи Наќе Чулев беше формирана поради ограничениот број обрасци на патни исправи, на вчерашниот прв состанок разгледала вкупно 77 барања од граѓани, за кои по […]

Вести

Запленетиот кокаин во Крушопек, дел од голема количина со крајна дестинација во земјава, засега приведени четири лица

– Еден килограм запленет кокаин, кој бил дел од многу голема количина дрога, чија крајна дестинација била нашата земја, приведени четири лица, отворање на финансиска истрага за правното лице во чии простории е пронајдена дрогата, […]

Вести

Запленетиот кокаин во Крушопек, дел од 1,3 тони по потекло од Колумбија наменет за Копер, Словенија

– За полициската акција што синоќа се одвиваше во село Крушопек, во скопски Сарај, при што беше запленет еден килограм од вкупно 1,3 тони кокаин контролирана пратка, во магацин за овошје – банани, се очекуваат деталните […]