Запрена потрагата по преживеани во урнатата зграда во Лагос

Спасувачките служби во Лагос ја запреа потрагата по преживеани во зградата која се урна вчера, при што загинаа најмалку девет лица.

Претставник на Националната агенција за управување во вонредни ситуации Ибрахим Фаринлој изјави дека спасувачите дошле до темелите на трикатната зграда и оти не очекуваат да пронајдат нови тела. Тој одби да шпекулира за точниот број на загинати и повредени лица.

Локалните власти синоќа соопштија дека во операцијата се спасени 37 деца, додека осум лица починале, но разно изутрина беше пронајдено уште едно тело.

Вчера изутрина, во нигерискиот град Лагос се урна трикатна зграда, каде приземјето се користело за деловен простор, на вториот и третиот кат имало станови за домување, додека на на третиот биле лоцирани приватна градинка и основно училиште. Во моментот на несреќата, според локалните медиуми, во зградата имало околу 100 деца, но таа бројка не е потврдена.

Засега се непознати причините за уривањето на зградата, но нејзин станар тврди дека таа двапати била одбележана од властите за уривање.

Вести

Извршена еутаназија врз златната параолимпијка Верворт

Белгиската параолимпијка, Марик Верворт, го активираше барањето за еутаназија, што значеше крај на нејзините маки, и смрт. Верворт која имаше 40 години, а на Параолимписките игри во Лондон 2012 година освои златен медал во трката […]

Бизнис

„Герешајмер“ го означи почетокот на изградба на новата фабрика во Бунарџик, ќе вработи 400 луѓе

Германската компанија „Герешајмер“ денеска во Технолошко индустриската развојна зона Бунарџик го означи почетокот на изградба на новата фабрика за медицинска пластика. Ова е прва фабрика на реномираната германска компанија во Југоисточна Европа, а земјава беше […]

Вести

Одобрени 60 милиони денари за чистење на линданот во ОХИС

Владата на денешната 160-та редовна седница донесе одлука за одобрување на 60 милиони денари од Буџетот за 2019 година за чистење на индустрискиот токсичен отпад (линдан) во поранешната фабрика ОХИС во Скопје. Средствата, како што […]