Захарова: Меј да престане со интригите и игрите со хемиските агенси


Москва, 5 јули 2018  – Руското Министерство за надворешни работи денеска ја повика британската премиерка Тереза Меј да престане со „интригите и игрите со хемиските агенси“, откако британските власти соопштија дека се случил уште еден случај на труење со нервен агенс „Новичок“.

Портпаролката на руското МНР, Марија Захарова го повика Лондон да и овозможи на Русија, заедно со британските иследници, да учествува во истрагата за труењето на поранешниот двоен шпион Сергеј Скрипал и неговата ќерка.

– Оваа (британската) Влада, а особено нејзиното раководство, ќе мора еден ден да и се извини на Русија и на меѓународната заедница, изјави денеска Захарова.

Претходно, министерот за внатрешни работи на Британија Саџид Џавид изјави дека супстанцијата со која биле отруени двајцата Британци во областа Вилтшир, е идентификувана како нервен агенс „Новичок“, кој беше користен и при обидот за убиство на поранешниот двоен шпион Скрипал и неговата ќерка во март оваа година.

Претходно, Меј изјави дека е многу вознемирена, бидејќи двајца британски граѓани се отруени со нервниот агенс „Новичок“.

– Многу е вознемирувачко да видиш дека уште две лица биле изложени на „Новичок“ во Британија и полицијата, знам, дека ќе го преврти секој камен во текот на истрагата, изјави Меј во Германија, каде што се сретна со германската канцеларка Ангела Меркел.

Балкан

Бугарскиот претседател Радев стави вето за купување американски борбени авиони

Бугарскиот претседател Румен Радев стави вето на спорното купување американски борбени авиони Ф-16. Како причина Радев ја наведе високата цена, недоволната опрема и зголемувањето на буџетскиот дефицит што таа нарачка го повлекува со себе. – […]

Вести

Новиот премиер на Велика Британија – за приврзаниците популарен, за критичарите – неискрен

Борис Џонсон е контроверзна фигура во британската политика и новинарство. За приврзаниците тој е духовит, популарен и привлечен, додека за оние кои го критикуваат велат дека е елитист, неискрен, мрзлив и употребува расистички и хомофобичен […]

Балкан

Србија: Напукна асфалтот на новиот автопат Е-10 низ Грделичка клисура

Иако од отворањето на јужната траса на Коридорот 10 за Северна Македонија не поминаа ни три месеци, на делницата помеѓу Царичина долина и тунелот Манајле, напукна асфалтот. Кон крајот на мај со музика и огномет, […]