Вооружен напад на Универзитетот во Хајделберг, напаѓачот убиен


Во германскиот универзитетски град Хајделберг рано попладнево се спроведува голема полициска операција, откако беше пријавено дека едно лице повредило неколку лица во областа на универзитетот. Полицијата во меѓувреме соопшти дека напаѓачот е мртов.


 

Нападот, според првичните информации, се случил во една од предавалните на универзитетот, а во него, наводно, напаѓачот користел огнено оружје.

Блокирана е областа во населбата Нојенхајмер Фелд, а полицијата ги повикува граѓаните да се држат настрана од овој дел од градот во кој се наоѓаат зградите на факултетите за природни науки на Универзитетот во Хајделберг.