Во Шведска забрзан пад на заразени во јули, епидемиолозите не знаат точно зошто



Во Шведска забрзан пад на заразени во јули, епидемиолозите не знаат точно зошто - МИА

Стокхолм, 11 август 2020 () – Главниот шведски епидемиолог Андерс Тегнел изјави дека од почетокот на јули дошло до забрзан пад на бројот на заразени лица со коронавирусот.

– Но, зошто се случи точно во тоа време и зошто беше толку ненадејно, мислам дека е малку тешко тоа целосно да го сфатиме, рече Тегнел во интервју за шведскиот портал „Локал“.

Тој додаде дека падот на бројот на новозаразените изгледа дека не е поврзан со празниците или некоја мерка преземена од здравствените власти.

– Веруваме дека зголемувањето на бројот на имуните луѓе кај населението има врска со тоа, но навистина не знаеме точно, рече Тегнел.

Тој смета дека намалувањето на бројот на случаи на коронавирус во јули во Шведска покажало дека нивната стратегија, според која повеќето од строгите мерки воведени од повеќето земји беа избегнати, на некој начин успеала.

– Бројките во Шведска покажуваат дека може да има брз пад на бројот на случаи без затворање, додаде шведскиот епидемиолог.

Тегнел призна дека бројот на нови случаи на коронавирус е зголемен малку во текот на изминатата недела, особено кај младите.

– Но, се чини дека можеме да се справиме со тоа, рече Тегнел.

Тој истакна дека една од работите што сега се знае за коронавирусот е дека станува збор за многу непредвидлива болест.

Според најновите податоци, од коронавирусот во Шведска до сега починале 5.763 луѓе, речиси пет пати повеќе отколку во Данска, Норвешка и Финска.

Откривањето и изолацијата ќе бидат клучни за успехот или неуспехот во спречувањето на ширењето на коронавирусот во следната фаза на пандемијата, процени Тегнел.


Научниците се уште не се согласни дали е можна инфекција со Ковид-19 од воздух - МИА
Вести

Преглед на состојбата со Ковид-19 во светот

Според најновите податоци, во светот со новиот коронавирус до сега се заразени 33.385.696 лица. Од последици од Ковид-19 починале 1.003.405 пациенти, а оздравеле 24.688.610 луѓе. – Во изминатите 24 часа во Косово се забележани три […]

Гордана Јанкуловска упатена во КПУ-Идризово за случајот „Тенк” - МИА
Вести

Гордана Јанкуловска упатена во КПУ-Идризово за случајот „Тенк”

Скопје, 28 септември 2020 () – Поранешната министерка за внатрешни работи, Гордана Јанкуловска, е упатена во КПУ – Идризово, за издржување на казната затвор од четири години како осудена во предметот „Тенк”, потврдуват за од […]

Вести

Адвокатите бараат ослободителна пресуда за Јанакиески за „Насилство во Центар“

– Адвокатите на поранешниот министер за транспорт и врски, Миле Јанакиески денеска во завршни зборови за предметот „Насилство во Центар“ побараа тој да биде ослободен од обвинение. Адвокат Димитар Дангов побара Обвинителството да го повлече […]

Биди првиот кој ќе коментира

Вашиот коментар

Твојата е-маил адреса нема да биде објавена.


*