Во Италија кривични пријави за продавање маски по енормни цени


Финансиската полиција во Италија ќе поднесе кривични пријави против сите трговци кои продаваат заштитни маски за лице и други производи кои ги огласуваат преку Интернет како заштита од новиот коронавирус наречен Ковид-19.

Полицијата денеска соопшти дека открила луѓе кои продаваат маски и по цена од 5.000 евра за парче.

Како што пренесуваат италијанските медиуми, освен што цената е преголема, продавачите преку Интернет лажно тврдат дека нивните производи нудат „целосна заштита“ од коронавирусот.

Финансиската полиција во соопштението наведува дека се поднесени пријави за 20 лица кои лажно огласувале, а запленети се илјадници маски за лице и прочистувачи за воздух.

Лажното огласување се казнува со затворска казна во траење до две години.

По појавувањето на коронавирусот во Италија, во неколку делови на земјата маските за лице и антибактериските гелови се купувале во огромни количини, по што се препродавале по енормни цени.

Италијанскиот министер за надворешни работи Луиџи ди Мајо на прес-конференција рече дека Владата разгледува мерки за смирување на цените.

Светската здравствена организација апелира маски да се носат само во случај на редовен контакт со заразени лица и оние кои кашлаат и киваат.


Вести

Расте бројот на инфицирани со Ковид-19, но засега нема поригорозно ограничување на движењето на граѓаните

– Во деноноќието меѓу 30 и 31 март се потврдени 44 нови случаи на инфицирани со коронавирусот, со што бројот на вкупно заболени досега достигна 329, од кои 12 се излекувани, а деветмина починаа. Властите […]

Вести

Минимална плата и дополнителни кредити за приватниот сектор за зачувување на работните места и ликвидност

– Финансиска поддршка за претпријатијата од приватниот сектор за исплата на плати за своите вработени во висина од 14.500 денари за месеците април и мај, кратење на платите за сите избрани и именувани функционери на […]

Вести

За непочитување на полицискиот час, 24 скопјани ги очекува 48 илјади евра казна

Основното јавно обвинителство Скопје денеска поднесе предлози за издавање казнени налози пред Основниот кривичен суд Скопје, против вкупно 24 лица кои не го почитувале полицискиот час, информираат од скопското Обвинителство. – Обвинетите, во различни кривично-правни […]