Вилијам Бар: Твитовите на Трамп ја поткопуваат мојата работа


– Американскиот јавен обвинител, Вилијам Бар изјави дека претседателот Доналд Трамп со своите твитови го поткопува и оневозможува извршувањето на неговата работа.

Критиката кон Трамп доаѓа во момент кога Министерството за правда се занимава со случај во кој е вмешан Роџер Стоун, поранешен осуден советник на претседателот.

Јавниот обвинител е обвинет дека попуштал пред притисоците на шефот на државата. Коментарите се редок пример на неговото несогласување со однесувањето на Трамп.

– Сметам дека е време да се престане со твитовите за кривичните предмети на Министерството за правда. Не можам да работам во Министерството покрај константните коментари во позадина кои ме поткопуваат, нагласи Бар.

Шефот на републиканците во сенатот, Мич Меконел изјави дека Трамп треба да го послуша советот на Бар.

Одлуката на Министерството за правда од оваа недела дека планира да го намали траењето на затворската казна на Стоун, долгогодишниот пријател на Трамп, предизвика гнев кај многумина. Тој е осуден во ноември поради опструкција на истрагата на Разузнавачкиот комитет за руското мешање во изборите во 2016 година. Федерални обвинители на почетокот препорачуваа дека Стоун треба да добие од седум до девет години затвор поради обид за спречување на истрагата.

Трамп набрзо го изрази своето несогласување на Твитер и напиша: „Ова е ужасна и многу неправедна ситуација“. 


Вести

Починаа 10 лица со Ковид-19, 428 новозаразени

  Министерството за здравство информира дека во последните 24 часа се направени 1.853 тестирања, а регистрирани се 428 нови случаи на Ковид-19 во Скопје-200, Куманово-16, Дебар-2, Штип-9, Прилеп-29, Тетово-30, Струга-2, Велес-6, Битола-14, Охрид-4, Кавадарци-17, Гостивар-5, […]

Вести

Одржана централната прослава на 1000-годишнината од основањето на Бигорскиот манастир

– Достоинствено, како што му доликува на милениумскиот јубилеј, денеска Бигорскиот манастир со централна прослава одбележа 1000 години од основањето. По пречекот на претседателот Стево Пендаровски,кој е покровител на прославата и Неговото Блаженство, Архиепископот Охридски […]

Архимандрит Партениј викендов ќе биде хиротонисан во епископ Антаниски - МИА
Вести

(Во живо) Бигорскиот манастир слави 1000 години од основањето

– Главната и централна прослава на великиот јубилеј 1000 години од основањето на Бигорскиот манастир ќе се одржи денеска со почеток во 9:00 часот со Божествена архијерејска литургија, со која ќе чиноначалствува Неговото блаженство, Архиепископот Охридски […]