За време на тепачка во средното училиште Ван Најс во Лос Анџелес, најмалку двајца ученици биле избодени со нож. Инцидентот се случил вчера откако настанала тепачка меѓу 11 ученици. Според полицијата, еден од учениците со неидентификувано оружје избодел двајца тинејџери на возраст од 15 и 16 години, пишува Дејли мејл.

Повредените ученици се однесени во болница, а повредите не се опасни по живот. Во тепачката повредени се уште двајца ученици, од кои едниот поради повреди е хоспитализиран. Полицијата приведе тројца малолетници на распит. Засега нема уапсени. Училишниот округ Лос Анџелес привремено го затвори училиштето и соопшти дека средното училиште ќе продолжи со работа кога полицијата ќе одобри.