Работничката партија на Курдистан (ПКК) ја презеде одговорноста за бомбашкиот напад што се случи утринава во Анкара, недалеку од зградата на турското Министерство за внатрешни работи.
– Група поврзана со нашата Бесмртна бригада извршила жртвен чин против турското Министерство за внатрешни работи – изјавила вооружената група за АНФ поврзана со Курдите.
Турција и многу западни земји ја класифицираат ПКК како терористичка организација.
Еден терорист е убиен.
За потсетување, министерот за внатрешни работи на Турција, Али Јерликаја изјави дека утринава околу 9 часот и 30 минути се случил бомбашки напад пред портите на нивното Министерство во Анкара, во кој е убиен еден од терористите, пишува Хуриет.
Според него, двајца терористи дошле пред зградата на Министерството, а едниот активирал експлозивна направа, додека другиот е уапсен.
– Еден од нив се разнесе, додека другиот е неутрализиран – рече тој.
Си-Ен-Ен Турк јави дека има повредени и дека сите околни патишта се затворени. Според АП, турскиот парламент денеска по летната пауза треба повторно да заседава.
Explosions and Gunfire have been heard this morning near the Parliamentary Building in the Turkish Capital of Ankara; a Significant Police and Military Presence has been observed in the Area but it is Unknown what exactly the ongoing Situation is. pic.twitter.com/dzSFxdHDg9
— OSINTdefender (@sentdefender) October 1, 2023
