Израелските безбедносни сили објавија во понеделникот вечерта дека жена-војник киднапирана од Хамас претходно овој месец била спасена од Појасот Газа во операција во текот на ноќта.
Таа е првиот заробеник ослободен од израелските војници. На социјалните мрежи се појавија снимки од прославата од родниот град на девојката. Прославата беше организирана и во нејзиниот семеен дом, а видеото од нејзината средба со баба и и го обиколи светот.
The moment Ori Megidish, who was kidnapped by Hamas on 7/10 was reunited with her grandmother ❤️
We will do everything we can to bring the rest of our families home. #BringThemHomepic.twitter.com/ir4h3a86Up
— Israel ישראל 🇮🇱 (@Israel) October 30, 2023
Во заедничкото соопштение, израелските одбранбени сили и безбедносната агенција Шин Бет рекоа дека Ори Мегидиш е во добра состојба и дека е повторно обединета со своето семејство.
Безбедносните сили соопштија дека таа била спасена за време на копнена операција во текот на ноќта, без да дадат повеќе детали, пишува „Тајмс оф Израел“.
Мегидиш е војник набљудувач, која беше земен како заложник од Хамас кога терористите упаднаа во базата Нахал Оз пред повеќе од три недели.
רבים ממשיכים להגיע לחגיגות בבית משפחת מגידיש@ShaIsrael2 pic.twitter.com/3QyffHW6FQ
— גלצ (@GLZRadio) October 30, 2023
Од Шин Бет и израелските безбедносни сили не се очекуваше да откријат дополнителни информации за тоа како Мегидиш беше спасена од заробеништво на Хамас, со цел да се спречи можноста за уништување на идните операции.
Се веруваше дека Мегидиш е држена сама, иако Хамас ги зароби другите членови на нејзината единица во рацијата на 7 октомври. Вкупно, тој ден беа киднапирани најмалку 243 цивили и војници, од кои четворица беа ослободени од Хамас.
Операцијата била планирана неколку дена однапред и се верува дека за време на ноќните активности Хамас пружал отпор. Сепак, нема информации за повредени припадници на израелските безбедносни сили.
Израелските лидери го поздравија враќањето на Мегидиш, а министерот за одбрана Јоав Галан рече дека операцијата е доказ дека Израел може да ги спаси заложниците што ги држат Хамас и другите терористички групи.
