Уапсен 66-годишен маж за кражбата на позлатената WC школка од замокот „Бленам“


Маж на возраст од 66 години е уапсен за кражбата на тоалетната школка од масивно 18-каратно злато од замокот „Бленам“, но самото уметничко дело се уште не е пронајдено, информираа светските агенции.

Златната WC школка, проценета на повеќе од пет милиони долари, е дел од изложбата на италијанскиот концептуалист Маурицио Кателан, пренесоа британските медиуми.

Делото, наречено „Америка”, е замислено како сатира за прекумерното богатство во светот. Тоа е целосно функционално и е поврзано со канализација. Затоа неговото демонтирање предизвикало значителни штети.

Крадците вчераутро упаднале во замокот „Бленам“, каде е роден Винстон Черчил. Заради инцидентот изложбата беше привремено затворена, а денеска повторно ќе почне да прима посетители.

Златната тоалетна школка „Америка” од септември 2016 до летото 2017 година беше изложена во музејот „Гугенхајм“ во Њујорк. Музејот тогаш предложи да му ја даде на Доналд Трамп место побараната слика од Винсент Ван Гог, но претседателот тоа го  одби.

Дворецот „Бленам” му припаѓа на 12-от херцог од Марлборо. Во  август брат му Едвард Спенсер-Черчил, кој е основач на фондацијата за уметност „Бленам”, изјави дека не предвидува специјално обезбедување за златното уметничко дело затоа што тоа не е „најлесното нешто за крадење“.


Вести

На ТОАРИЛУЦ почина една од повредените во експлозијата во Романовце

На Клиниката за трауматологија, ортопедски болести, анестезија, реанимација и интензивно лекување и Ургентен центар (ТОАРИЛУЦ) почина 36-годишна жена, која беше една од повредените во експлозијата на плинска боца што се случи пред три дена во […]

Вести

Италија: Шест деца позитивни на новиот коронавирус

Шест деца се позитивни на новиот коронавирус, изјавија неименувани извори за италијански медиуми. Повеќето случаи доаѓаат од „жариште“ во округот Лоди, кое е во карантин поради епидемија во северна Италија. Најмладата е четиригодишно девојче од […]

Балкан

Сериозни инциденти на Лезбос и Хиос – над 60 повредени

На грчките острови Лезбос и Хиос и денеска продолжија протестите на локалното население против изградбата на затворените центри и повторно кулминираа со судири меѓу граѓаните и полицијата, во кои, според локалните медиуми, повредено е вкупно […]