Тројца државјани на Австралија во затвор во Иран

Две жени со двојно британско-австралиско државјанство и еден Австралијанец се приведени во Иран, а една од жените е осудена на 10 години затвор, соопшти австралиската Влада.

Австралиското Министерство за надворешни работи и трговија соопшти дека им дава конзуларна помош на нивните семејства и наведе дека не може да објави дополнителни коментари поради обврската за приватност.

Министерството исто така ги повика Австралијанците да ги следат неговите совети за патување кои вклучуваат предупредување дека странците ризикуваат арбитрерно затворање во Иран.

Како што пренесува весникот „Тајмс“, осудената жена е професорка која студирала на Кембриџ и држела предавања на австралиски универзитет. Според весникот, не се знае за што е осудена, а во затвор е веќе една година.

Втората жена е блогерка, која заедно со нејзиниот дечко се приведени пред десет недели кога патувале низ Азија.

Иранските власти соопштија дека блогерката ја држат како дел од планот за олеснување на размената на затворениците со Австралија.

Австралиската Влада и медиумите не ги објавија имињата на приведените.

Неколку странци, од кои повеќето се двојни државјани, се наоѓаат во затворите во Иран. Тие затворања претставуваат средство за притисок од Техеран во контекст на влошување на односите со западните земји по едностраното повлекување на САД од иранскиот нуклеарен договор склучен во Виена во 2015 година.

Вести

За Макрон прерано е за преговори, Меркел се надева на компромис

Францускиот претседател Емануел Макрон смета дека Северна Македонија и Албанија треба уште малку да се стрпат пред да добијат одобрение за почеток на преговори со ЕУ. На заедничката прес – конференција со германската канцеларка Ангела […]

Вести

Сириската војска влезе во Рака и поставува набљудувачки места

Група сириски војници влезе во градот Рака и започна со поставување набљудувачки места, објавија локалните медиуми. Веста дојде само неколку дена откако курдските сили, кои го зазедоа градот од Исламската држава, склучија договор со сириската […]

Вести

Судењето за насилствата пред Општина Центар продолжува на 18 ноември

Судењето за насилствата пред Општина Центар во јуни 2013 година продолжува на 18 ноември откако денеска постапката почна одново поради истек на 90 дена од одржување на последното рочиште. За следното рочиште повикан е како […]