Талибанските власти во Авганистан палат музички инструменти, тврдејќи дека музиката може да ги заведе младите и да го уништи општеството.

Екстремистичката група ја забрани музиката кога претходно беше на власт во доцните 1990-ти, а неодамна талибанската верска полиција запали голем број музички инструменти во провинцијата Херат во западен Авганистан, според извештајот објавен од државната новинска агенција Бахтар во неделата. „Дојч Веле“.

Шеикот Азиз ал-Рахман ал-Мухаџир, провинциски шеф на Министерството за промоција на доблест и спречување на пороците, рече дека музиката доведе до „уништување на општеството и погрешно насочување на младите“.

Талибанците забранија нерелигиозна музика последен пат кога владееја со земјата во 1990-тите, а неодамнешните фотографии покажуваат дека талибанските функционери собрани околу оган палат музички инструменти – гитари, хармоника, звучници и друго.

Авганистан има богата музичка традиција под влијание на иранската и индиската класична музика и имаше просперитетна поп-музичка сцена која цветаше во изминатите 20 години, пред талибанците да ја преземат власта во август 2021 година. Во извештајот на Дојче веле се вели дека учениците и наставниците во авганистанскиот Национален институт за музика, некогаш познат по својата инклузивност, не се вратиле на часови по враќањето на талибанците на власт, а многу музичари ја напуштиле земјата.