Штрахе индиректно најави враќање на политичката сцена во Австрија



– Поранешниот лидер на Слободарската партија на Австрија (ФПО) и некогашен вицеканцелар Хајнц Кристијан Штрахе, кој во мај годинава поради корупциски скандал беше принуден да поднесе оставка од сите политички функции, индиректно најави враќање на политичката сцена во Австрија, преку настап со Сојуз за Австрија (ДАО) на претстојните покраински избори.

Штрахе, во синоќешното обраќање на првиот собир на ДАО, кој кон крајот на годината беше формиран од поранешни функционери на ФПО, рече дека мора да ги реши „домашните задачи“ и да оствари неколку разговори пред конечната одлука.

Доколку се одлучи за кандидатура, а ДАО прифати тој да биде носител на нивната листа, оцени дека е можно „силно враќање во Виена“.

– Потребно е ново граѓанско движење, рече Штрахе, истакнувајќи дека е подготвен повторно да се врати на политичката сцена.

Осврнувајќи се на аферата „Ибица“ призна дека направил грешка. – Да, направив огромна грешка. Тоа не можам да го избришам, ниту да го поправам, рече Штрахе.

Во врска со неговите „таканаречени поранешни пријатели“ од ФПО рече дека си го покажале „вистинското лице“, но и дека мора да го совлада разочарувањето од тоа.

Во мај, пред изборите за Европскиот парламент, во јавноста се појавија снимки од пред две години, на кои се гледа дека Штрахе наводно на роднина на руски милијардер нуди државни работни места за финансиска поддршка на неговата партија.


Вести

Владата одобри организација на продолжен престој на учениците во основните училишта

Владата на денешната 7-ма седница одобри организација на продолжен престој на учениците во основните училишта за одделенијата кои ќе започнат настава со физичко присуство, со препорака продолжениот престој да се организира и реализира со ученици […]

Вести

Спроведување на Јанкулоска е надвор од законската процедура, смета адвокатка Алексиќ

– Адвокатка на Гордана Јанкулоска, Сања Алексиќ  денеска пред новинарите изјави дека спроведување на Јанкулоска е надвор од секоја законска процедура од причина што таа е оневозможена  да  побара одлагање на издржувањето на казната по било кој друг […]

Бизнис и економија

Онлајн дискусија: За ефективни министри потребни се интегритет, работа и тим и вложување во администрацијата

– Три елементи се клучни за да понудиме резлтат во која било област што ја работиме – интегритет, работа и тим, потребно е и чувство дека како Министерство за одбрана сме дел од еден тим кој […]