САД ја повикаа Русија да дозволи независни лекари да го посетат и прегледаат Навални


– САД ја повикаа Русија да им дозволи на независни лекари веднаш да го посетат Алексеј Навални и повторно предупредија дека Москва ќе сноси последици доколку нешто му се случи на опозиционерот додека е во затвор.


 

Портпаролот на американскиот Стејт департмент, Нед Прајс, изјави дека Вашингтон ја пренел својата порака до Москва без никакви недвосмислености.

Рускиот опозиционер, Алексеј Навални, кој веќе три недели штрајкува со глад во затворот, е „многу слаб и не добива медицинска помош“, изјавија неговите адвокати откако го посетија во затворската болница.

На група лекари предводени од Анастасија Василиева, лична лекарка на 44-годишниот опозиционер, не им е дозволено да влегуваат во болницата, како што се случуваше секогаш кога се обидуваа да го посетат Навални во затворот.