Руската вакцина против коронавирусот ќе штити до две години



Руската вакцина против коронавирусот ќе штити до две години - МИА

Москва, 11 август 2020 () – Луѓето кои ќе ја примат новата руска вакцина против Ковид-19 ќе бидат имуни на новиот коронавирус до две години, соопшти руското Министерство за здравство.

– Вакцината е создадена во Центарот за истражување Гамалеја, кој работеше на пронаоѓање на вакцина користејќи испробани и проверени процедури за одгледување на вектори на аденовирус, изјави министерот за здравство Михаил Мурашков.

– Сакам да истакнам дека истражувачите од нашите научни центри уште од 1990-тите успешно експериментирале со подготовка за генетски терапии. Со понатамошно истражување формира е универзална платформа за изработка на вакцини против разни заразни болести, а на овие платформи научните истражувачи и нашите експерти веќе успеаја да создадат шест вакцини кои се со различен степен на употреба во Русија, рече рускиот министер за здравство Михаил Мурашко, наведувајќи ги како примери на вакцината против вирусот ебола и коронавирусот од типот MERS-CoV.

Рускиот претседател Валдимир Путин претходно соопшти дека Русија станала првата земја во светот со официјално атестирана вакцина против коронавирусот, по помалку од два месеци тестирање врз луѓе, „со што Москва ја покажала научната генијалност и надмоќ“.

Светската здравствена организација (СЗО) соопшти дека со руските здравствени установи преговара за атест за новата вакцина, што според претставникот на СЗО, Тарик Јашаревиќ, подразбира строга проверка на сите пропишани безбедносни процедури и ефикасност на новата вакцина.

Путин исто така соопшти дека една од неговите ќерки примила вакцина против коронавирусот.

– Една од моите ќерки ја прими вакцината. Во таа смисла, таа учествуваше во експериментот. По првото вакцинирање, таа имаше температура од 38, следниот ден малку над 37, и тоа е тоа, рече Путин на владината седница на која беше објавено дека во Русија е регистрирана првата вакцина против Ковид-19.

– По втората вакцинација, таа исто така имаше мала температура, а потоа се спушти. Се чувствува добро, додаде рускиот претседател.

Путин истакна дека многу луѓе воопшто немаат надворешни манифестации, ниту температури по вакцинацијата.

– Како ништо да не правеле, заклучи Путин.

 


Продолжи собраниската расправа за избор на нова влада - МИА
Вести

Седница за избор на заменици министри – пратениците расправаат за образованието, Гоце Делчев, Ковид-19

– Собранието попладнево ја продолжи 13 седница, на чиј дневен ред е Предлогот за именување на заменици на министри во Владата. Координаторот на пратеничката група на ВМРО-ДПМНЕ Никола Мицевски процедурално изрази револт од начинот на […]

Продолжи собраниската расправа за избор на нова влада - МИА
Вести

Почна собранискара расправа за избор на заменици на министрите во Владата

– Справување со последиците од пандемијата, зачувување на работните места, создавање функционална економија и враќање на економскиот раст на 4 отсто, унапредување на животниот стандард на граѓаните и натамошен раст на платите, силни институции, неселективна правда […]

Вести

Нови 88 случаи на Ковид-19 од 1618 тестирања, петмина починати и 135 оздравени

-Министерството за здравство информира дека во последните 24 часа се направени 1618 тестирања, а регистрирани се 88 нови случаи на Ковид-19 во: Скопје-45, Куманово-4, Штип-1, Прилеп-7, Тетово-6, Струга-3, Битола-2, Охрид-3, Гостивар-1, Струмица-7, Крива Паланка-2, Кочани-3, […]

Биди првиот кој ќе коментира

Вашиот коментар

Твојата е-маил адреса нема да биде објавена.


*