Во јуни, американските разузнавачки претставници тврдеа дека Суровикин, кој претходно ги предводеше инвазиските сили во Украина, претходно знаел за бунтот на Евгениј Пригожин.

Русија назначи нов привремен врховен командант на воздухопловно-вселенските сили, кој доаѓа на местото на Сергеј Суровикин, наречен „генерал Армагедон“, кој исчезна од очите на јавноста откако платениците на Вагнер се побунија против највисокорангираљните луѓе од војската.

„Поранешниот шеф на руските воздушни сили, Сергеј Суровикин, сега е разрешен од должноста, додека генерал-полковник Виктор Афзалов, началникот на Генералштабот на воздухопловните сили, привремено ја извршува функцијата врховен командант на воздухопловните сили. “, изјави неименуван извор за руските медиуми.

Во јуни, американските разузнавачки претставници тврдеа дека Суровикин, кој претходно ги предводеше инвазиските сили во Украина, претходно знаел за бунтот на Евгениј Пригожин, во кој платеници од Вагнер го зазедоа градот Ростов и маршираа кон Москва пред да склучат договор за амнестија.

По бунтот, некои руски и странски медиуми објавија дека Суровикин е под истрага за можна вмешаност во востанието и дека е во домашен притвор.