Воената влада на Мјанмар на втората годишнина од преземањето на власта соопшти дека ја продолжува вонредната состојба која е на сила од почетокот на 2021 година.

Националниот совет за одбрана и безбедност ја продолжи вонредната состојба за уште шест месеци.

Советот оцени дека состојбата во земјата се уште не е нормализирана и дека е потребно време земјата да се подготви за мирни и стабилни избори.

Националниот совет за одбрана и безбедност, според Уставот е владејачко административно тело, но сега го контролира само армијата.

Датумот на изборите се уште не е објавен, иако шефот на владејачкиот воен совет Мин Аунг Хлаинг ги најави за август, јавува Радио Слободна Европа.

Во новиот оглас се наведува дека изборите ќе се одржат „кога ќе бидат исполнети целите на вонредната состојба“.

Воената состојба и дозволува на војската да ги преземе сите државни функции, давајќи му на Хлаинг законодавни, судски и извршни овластувања.