Претседателот Ривлин почна разговори за формирање нова влада на Израел

Израелскиот претседател Рувен Ривлин почна дводневни консултации со сите избрани партии, пред да донесе одлука за именување на премиер по постизборниот ќор-сокак.

Ривлин почне да разговара со лидерите на партиите кои победија на последните избори во неговата резиденција. Претседателот, кој има претежно церемонијална улога, има задача да ги избере политичарите со најдобри шанси за формирање стабилна коалиција.

Обично се работи за формалност, но овој пат Ривлин игра клучна улога по речиси изедначениот изборен резултат.

По минатонеделните избори, Сојузот на партии на центарот на поранешниот началник на Генералштабот на израелската армија, Бени Ганц го задржа водството од две пратенички места (вкупно 33) над конзервативниот Ликуд на премиерот Бенјамин Нетанјаху.

На трето место е Заедничка листа на израелските Арапи со освоени 13 пратеници , а потоа следат партијата на ултраортодоксните сефардски Евреи со девет, додека верската Обединет јудеизам на Тората освои осум пратеници.

Националистичката партија на поранешниот министер за одбрана Авигдор Либерман освои осум мандати, а десничарскиот сојуз Јамина – седум, левичарскта партија Лабуристи-Гешер – шест, додека Демократската унија има пет пратеници.

Блокот на левиот центар, вклучително и Заедничка листа со членовите на израелските Арапи, кои никогаш не биле дел од Владата, сега има 57 пратенички места, а десничарскиот блок има 55.

Ниту еден блок нема мнозинство од 61 од вкупно 129 пратеници во Кнесетот за да формира коалиција.

Вести

Извршена еутаназија врз златната параолимпијка Верворт

Белгиската параолимпијка, Марик Верворт, го активираше барањето за еутаназија, што значеше крај на нејзините маки, и смрт. Верворт која имаше 40 години, а на Параолимписките игри во Лондон 2012 година освои златен медал во трката […]

Бизнис

„Герешајмер“ го означи почетокот на изградба на новата фабрика во Бунарџик, ќе вработи 400 луѓе

Германската компанија „Герешајмер“ денеска во Технолошко индустриската развојна зона Бунарџик го означи почетокот на изградба на новата фабрика за медицинска пластика. Ова е прва фабрика на реномираната германска компанија во Југоисточна Европа, а земјава беше […]

Вести

Одобрени 60 милиони денари за чистење на линданот во ОХИС

Владата на денешната 160-та редовна седница донесе одлука за одобрување на 60 милиони денари од Буџетот за 2019 година за чистење на индустрискиот токсичен отпад (линдан) во поранешната фабрика ОХИС во Скопје. Средствата, како што […]