Прелиминарни резултати од изборите во Русија


Владимир Путин, сегашниот претседател на Руската федерација, според прелиминарните резултати кои ги објави изборната комисија е во сериозно водство.



За претседател на Русија се бореа 8 кандидати. Бидејќи Русија има 11 временски зони, изборите траеја 22 часа и започнаа во далечниот исток на земјата. Досега се пребројани 22% од гласачните ливчиња на 77.199 избирачки места и Путин има освоено 72% од гласовите. На второ место е кандидатот на Комунистичката партија Павел Грудинин со освоени 15% од гласовите.

Од 144.000 набљудувачи, 1.500 беа меѓународни набљудувачи од 109 држави. Дополнително, на избирачките места се поставени и веб камери за да се набљудува целиот изборен процес.

Инаку претседателскиот мандат трае 6 години.