Познат моден бренд почна со изнајмување облека


Шведската модна компанија „H&M“ почна со тестирање на услугата за изнајмување облека.

Таков чекор е преземен бидејќи модната индустрија се наоѓа на удар на жестоки критики поради отпадот и загадувањето во текот на производствениот процес.

Според њујоршката агенција „Блумберг“, потрошувачите можат во обновената главна продавница на „H&M“ во центарот на Стокхолм од минатиот петок да изнајмат облека на една недела за 350 шведски круни (37 американски долари).

Од шведската компанија најавуваат ширење на овој концепт и на другите пазари каде работи „H&M“.

Во тест-фазата, „H&M“ го ограничи изнајмувањето на колекција од 50 парчиња облека, но не можат сите купувачи да изнајмат облека бидејќи понудата се однесува само на членовите на лојалити програмата на компанијата.

„H&M“ ќе ги процени резултатите од пробниот концепт на работење за три мисеци, пред да направи натамошно ширење на таквата пракса.

– Силно веруваме во успехот на изнајмувањето, но сепак ќе ги испитаме реакциите на потрошувачите и ќе научиме повеќе за да воведеме подобрување и потребни промени, изјави Даниел Класон, шеф на развојното работење во шведската компанија.

Модната индустрија е под се поголем надзор, бидејќи е одговорна за дури 10 отсто од глобалната емисија на штетни гасови со ефект на стаклена градина и троши повеќе енергија отколку воздухопловството и бродарството заедно, покажуваат податоците на ОН.

Вести

Повредени 26 лица во сообраќајката на патот Блаце- Белољин во Република Србија

Вкупно 26 лица се повредени во сообраќајната несреќа што се случи утринава на патот Блаце- Белољин во Република Србија, во која автобус со македонски регистарски таблички се превртел носејќи патници на еднодневна екскурзија на Копаоник. […]

Вести

Двајца потешко и десет полесно повредени во сообраќајката на патот за Копаоник

Две лица се тешко повредени, а десет полесно повредени во сообраќајната несреќа што се случи денеска на автопатот Прокупље-Блаце, кога околу 10 часот се преврте автобус од Северна Македонија, кој превезувал патници до Копаоник.   […]

Балкан

На пат за Копаоник се преврте македонски автобус, има повредени

Едно лице е тешко повредено, а 11 се полесно повредени во сообраќајна несреќа на автопатот Прокупље – Блаце, кај Белољин, кога околу 10 часот се преврте автобус од Македонија, кој превезувал патници до Копаоник, јавува […]