Повторно судири меѓу Хути борците и јеменските провладини сили


Хути борците и провладините сили на Јемен, поддржани од Саудиска Арабија, денеска се судрија во градот Ходеида во Јемен, прекршувајќи го примирјето, со што го закомплицираа договорот за повлекување на војниците, чија цел беше да почнат пошироки мировни преговори.

Пристаништето Ходеида, кое беше под контрола на Хутите, е од суштинско значење за милиони Јеменци на кои им се заканува глад поради војната, бидејќи тоа е главното место за увоз на храна и помош.

Повлекувањето на Хутите од Ходеида и уште две пристаништа на Црвеното море почна во саботата и беше најзначаен напредок во напорите да заврши четиригодишната војна.

Обединетите нации вчера соопштија дека пристаништата им се предадени на припадниците на крајбрежната стража и дека повлекувањето се одвива според планираното, но двете страни известуваа за обновените конфликти денеска.

Медиумите со кои управуваат Хутите објавија дека провладините сили погодиле неколку области на Ходеида, вклучувајќи го и аеродромот.

Тие не посочија дали тоа се јеменски војници или припадници на меѓународната воена коалиција предводена од Саудиска Арабија, која ја поддржува владата на претседателот Абд Раби Мансур Хади.

Провладините сили соопштија дека Хути борците се обиделе да се инфилтрираат во Ходеида, но дека биле спречени во тоа.

Вести

Новиот закон за ЈО утре во Собранието, власта очекува поддршка од опозицијата

Владата утре Предлог-закон за Јавно обвинителство ќе го прати во Собранието. Очекуваме своите ставови пратениците да ги кажат во законодавниот дом, а ако имаат забелешки и да поднесат амандмани. Градењето дво-третинско мнозинство ќе биде во […]

Бизнис

Бензините поевтинуваат за еден, а дизелот за половина денар

Цената на бензините од ноќеска на полноќ се намалува за еден денар, а на дизелот и на екстра лесното масло за домаќинство за половина денар, одлучи денеска Регулаторната комисија за енергетика. Согласно новите цени, ЕУРОСУПЕР […]

Вести

Одбиено барањето на Кочан за одложување на затворската казна

Судија за извршување санкции при Основниот кривичен суд – Скопје го одби барањето на бизнисменот Сеад Кочан поради здравствени причини да му биде одложено издржувањето на затворската казна од четири години и осум месеци за […]