Поранешен агент на ЦИА осуден на 20 години поради оддавање тајни на кинески разузнавачи


Поранешниот агент на американската Централна разузнавачка агенција (ЦИА) Кевин Малури е осуден на 20 години затвор поради оддавање воени тајни на Кина, јави агенцијата Анадолија.

Американското Министерство за правосудство потврди дека 62-годишниот поранешен агент на ЦИА, кој беше прогласев за виновен во јуни минатата година, е обвинет за шпионирање во корист на Кина.

Во времето кога работел во ЦИА, Малури, кој имал пристап до доверливи информации и тајни податоци, откри дека продавал воени тајни на кинески разузнавач.

Обвинителите на Министерството за правосудство навеле дека надзорните камери снимале како Малури скенира доверливи документи на дигитална мемориска картичка и оти во март и април во 2017 година во Шангај се состанал со кинески агент.

– Овој случај покажува загрижувачка тенденција меѓу поранешните агенти на ЦИА кои Кина ги таргетирала да ги шпионираат своите земји и колеги, изјави заменикот на американскиот државен обвинител Џон Демерс.

Претходно овој месец и поранешен вработен во ЦИА ги прифати обвиненијата со кои се обвинува дека имал договор со кинеските разузнавачки служби за продавање информации за американската национална одбрана.

Џери Чун Шинг Ли, кој во 2007 година ја напуштил ЦИА, а минатата година беше уапсен на територија на САД, пред американскиот суд призна дека имал договор со кинеските разузнавачи за продажба на информации за американската национална одбрана кои биле под категоријата „тајна“, потсетува Анадолија.

Ли е обвинет дека во име на Кина вршел шпионирање, а пред Регионалниот суд во градот Александрија, во сојузната држава Вирџинија, ја призна вината и рече дека имал таен договор со Кина за собирање и испорака на информации.

Ли (54), за ЦИА работел во периодот од 1994 до 2017 година, а се претпоставува дека контактот со кинеската разузнавачка служба го остварил во текот на 2010 година.

Вести

Засилени контролите за палење на стрништа, изречени 34 казни од кои пет барања за прекршочна постапка

Државниот инспекторат за земјоделство (ДИЗ) информираше дека за време на викендот ги зачести контролите на терен, осбено во оние региони каде што има потенцијална опасност од плаење на стрништата на земјоделско земјиште. Како што соопштија […]

Вести

Западен Балкан ќе биде подобро место за живеење и значаен фактор во Европа, порачаа лидерите од Охрид

Поминување на границите само со лична карта, брзи ленти за камионите и меѓусебно признавање на дипломите се само дел од придобивките на декларацијата што во Охрид ја договорија премиерите на Северна Македонија и Албанија Зоран […]

Вести

Мемети: Зголемен бројот на поплаки за вознемирување на работното место

Оваа година има енормно зголемување од над 50 отсто на бројот на поплаки за дискриминација или поточно за вознемирување на работното место, поради разни основи. Граѓаните и годинава најмногу се жалеле на работата на судската […]