Полската војска се повлекува од чешка територија, каде била „по грешка“


Полската војска се повлекува од чешка територија, каде била „по грешка“ - МИА

Варшава, 11 јуни 2020 () – Полската армија се повлекува од позицијата на чешката територија што „ненамерно“ ја окупирала при затворањето на границата поради пандемијата на коронавирусот, објави денеска полската Врховна воена команда.


 

Полските сили воспоставиле граничен премин долж полско-чешката граница за време на пандемијата, со што го блокирале патот од чешката страна што води кон историски значајната капела, по што чешките власти се пожалиле во Варшава.

– Имаше недоразбирање од полска страна, капелата сега е достапена, рече портпаролката на чешкото Министерство за надворешни работи Хана Мала.

Полската војска објави дека оваа постапка била „недоразбирање, а не намерно дејствување и оти истата е исправена веднаш“, пренесува Политико.