Пет лица загинаа во пожар во дрвена колиба во Норвешка, од нив четири деца


Пет лица исчезнаа по пожар во дрвена колиба во северна Норвешка, од кои четири се деца на возраст под 16 години, наведе полицијата.



Според шефот на регионалната полиција, тие стравуваат дека лицата загинале во пожарот, што избувна во општина Андеј.

Полицијата отворила истрага за причините за пожарот, но во моментот нема индиции дека станува збор за нешто друго освен за „трагична несреќа“.

Полицијата потврди дека шестте лица биле во колибата за време на пожарот, но наведуваат дека се уште е рано да се каже нешто за причините за пожарот, пренесува Норвешка тудеј.

Во потрагата по исчезнатите, покрај екипи на теренот, учествуваат и хеликоптер и дрон.