ОН: Седум милиони деца во светот се лишени од слобода


Околу седум милиони деца се чувани во затвори, полициски притвори, миграциски центри, домови за лица со попреченост и институции за социјална заштита, се наведува во најновата студијата на Обединетите нации за човековите права, јави германската новинска агенција ДПА.

Авторите денеска изјавија дека нивната конзервативна проценка е спротивна на Конвенцијата за правата на детето, што ја имаат потпишано 200 земји, што дозволува само притвор на краток рок за деца под 18 години.

– Иако во последниве години е постигнат голем напредок за решавање на овој проблем, треба да се направи многу повеќе за тие деца да бидат извлечени од институциите и да се стави крај на притворот на малолетни мигранти, изјави Манфред Новак, застапник за човекови права кој ја предводи студијата.

Тој додаде дека треба да се врати „детството на децата во притвор“.

Во извештајот се предупредува дека психичките нарушувања кај децата се зголемуваат за десет пати за време на притворот и ослободените деца умираат помлади од оние кои никогаш не биле притворени.

Тимот на Новак откри дека најмалку 410.000 деца се држат секоја година во затвори и предистражни затвори, додека еден милион се задржани во притвори.

Покрај тоа, во 80 држави има вкупно 330.000 деца мигранти во притвор.

Уште 5,4 милиони деца живеат во социјални институции кои „по својата природа, не се во можност да функционираат без да ги лишат децата од нивната слобода“.

Експертите за права на децата ги набљудуваат и зоните на конфликти, како што се Сирија и Ирак, каде десетици илјади деца на екстремисти на Исламската држава се затворени во кампови.


Вести

По апелите на Вархеј, политичките партии со поместени позиции за новиот закон за ЈО

– СДСМ и ДУИ испорачаа до ВМРО-ДПМНЕ нов предлог-закон за Јавно обвинителство, што најголемата опозициска партија ќе го анализара деновиве. Лидерот на СДСМ Зоран Заев, истакна дека неговата партија и коалицијата се подготвени за тој […]

Вести

Жртвите од лустрација обесштетени со вкупно 32.400 евра

– Европскиот суд за човекови во Стразбур (ЕСЧП), постапувајќи по предметите за процесот на лустрација во Македонија, досега има донесено шест пресуди против нашата држава. Во меѓувреме постапува и по три други предмети. Владиниот агент […]

Вести

Процесот за отповикување на Трамп продолжува во вторник

– Процесот за отповикување на американскиот претседател Доналд Трамп продолжува во вторник, 21 јануари, кога ќе бидат презентирани воведните аргументи во Сенатот. Процесот во Горниот дом на американскиот Конгрес официјално започна во четвртокот. Трамп ќе […]