Денеска на официјалното отворање на Бледскиот стратешки форум, претседателот на Европскиот совет, Шарл Мишел во своето воведно обраќање испрати јасна порака дека Европската Унија мора да е подготвена до 2030 за проширување.

Тоа, како што вели Мишел, треба да биде еден од главните предизвици на Унијата.

Следното проширување, вели тој, треба да се предвиди во новиот буџет на Европската комисија.

Земјите аспиранти, според претседателот на Европскиот совет, треба да го почитуваат владеењето на правото, да се борат против корупцијата и криминалот и да ги спроведат реформите.