Меркел: Неопходно е „репозиционирање“ на ЕУ во светот што се менува


Европската Унија треба да се „репозиционира“ во современиот свет што се менува, изјави германската канцеларка Ангела Меркел во интервју за весникот „Зидојче Цајтунг“.

Таа оцени дека се потребни нови аргументи за опстојување на обединета Европа, бидејќи „седумте децении мир повеќе не се доволни за оправдување на ЕУ“.

– Нема сомнеж дека Европа мора да ги менува своите позиции во променетиот свет, додаде германската канцеларка.

Меркел при тоа го поздрави единството на водечките земји во ЕУ околу прашањето за Иран, нагласувајќи дека Германија, Франција и Велика Британија решиле да заземат поинаков пристап од САД, за разлика од пред 16 години кога европските држави беа поделени во врска со војната во Ирак.

– Тоа што Европа повеќе не е поделена околу ова важно прашање, како што беше случај со војната во Ирак, претставува вредност сама по себе, смета Меркел.

Таа во интервјуто признава дека со францускиот претседател Емануел Макрон „се борат“ политички и имаат различни ставови, но на крајот сепак успеваат да најдат компромис и да соработуваат.

– Секако дека се бориме еден против друг, изјави Меркел, додавајќи дека сепак и покрај различните гледања и сфаќања на работите, Берлин и Париз сосема природно се согласуваат за важните прашања.

Меркел смета дека претстојните избори за Европскиот парламент се од голема важност за иднината на ЕУ, нагласувајќи дека тоа „ќе бидат посебни избори“.

– Многу луѓе се загрижени за Европа, а тука се вклучувам и себе си. Тоа значи дека се чувствувам уште по одговорна заедно со другите да обезбедам иднина за Европа, заклучува Меркел во интервјуто за „Зидојче Цајтунг“.


Комисијата за заразни болести треба да одлучува за олабавување на мерките и отворање на економијата - МИА
Вести

Нови 125 случаи позитивни на КОВИД 19 во изминатите 24 часа

Скопје, 6 јуни 2020 () – Нови 125 случаи на новозаболени од КОВИД -19 регистрира Министерството за здравство во изминатите 24 часа. Најголем број повторно се во Скопје -46 по што следуваат Куманово со 19, […]

Втор ден карантин за Скопје, Куманово, Штип и Тетово - МИА
Вести

Втор ден карантин за Скопје, Куманово, Штип и Тетово

Скопје, 6 јуни 2020 () – За граѓаните на сите општини во градот Скопје, околните скопски општини Арачиново, Зелениково, Илинден, Петровец и Студеничани, во Куманово, Липково, Штип, Карбинци, Тетово, како и Боговиње, Брвеница, Теарце, Желино […]

Во шест градови во земјава нема повеќе активни случаи на Ковид-19 - МИА
Вести

Активни 1.009 случаи на заболени од Ковид-19, 90 отсто од новозаболените се од 15 фамилии

Скопје, 6 јуни 2020 () – Во земјава вчера беа потврдени 180 нови случаи на позитивни од Ковид-19, што е најголем број од почетокот на епидемијата досега, но министерот за здравство Венко Филипче информираше дека […]