Италијанската премиерка Џорџа Мелони изјави во Њујорк дека нема да дозволи Италија да стане „европски бегалски камп“.

Мелони, која присуствува на Генералното собрание на Обединетите нации, рече дека зголемениот прилив на мигранти на островот Лампедуза ја стави Италија под „неодржлив притисок“.

Мелони ги отфрли критиките за меморандумот за разбирање што ЕУ го потпиша со Тунис за да ги спречи шверцерите на мигранти да ги користат туниските брегови за бродовите преку Средоземното Море и нагласи дека договорот мора да се спроведе.