Меј: Британската Влада продолжува со плановите за Брегзит без договор


Британската премиерка Тереза Меј во интерно известување го информирала персоналот на нејзиниот Кабинет дека Владата ќе продолжи со планот за Брегзит без договор, соопшти денеска портпарол на Даунинг Стрит 10.

Ваквата изјава на портпаролот на Меј се оценува како обид за притисок врз членовите на Долниот дом на британскиот Парламент за усвојување на Договорот за истапување на Велика Британија од ЕУ, што Владата во Лондон и ЕУ го постигнаа лани во ноември. Долниот дом во Вестминстер досега во три наврати го отфрли Договорот, но мнозинството пратеници сепак се против Брегзит без регулирани идни односи меѓу Велика Британија и ЕУ.

Портпаролот нагласи и дека Меј на планира распишување предвремени избори, со цел да се обезбеди нов распоред на силите во Долниот дом, со што би овозможила усвојување на Договорот за Брегзит.

Лидерите на ЕУ минатата недела одобрија одлагање на Брегзит до 31 октомври, со цел да и се остави простор на Владата во Лондон за усвојување на постигнатиот договор од страна на Парламентот. Првично, Брегзит беше предвиден за 29 март.

Претходно денеска, шефот на британската дипломатија Џереми Хант на средба со јапонскиот премиер Шинѕо Абе во Токио изјави дека Владата во Лондон е решена да избегне истапување на Велика Британија од ЕУ без договор.

Вести

Новиот закон за ЈО утре во Собранието, власта очекува поддршка од опозицијата

Владата утре Предлог-закон за Јавно обвинителство ќе го прати во Собранието. Очекуваме своите ставови пратениците да ги кажат во законодавниот дом, а ако имаат забелешки и да поднесат амандмани. Градењето дво-третинско мнозинство ќе биде во […]

Бизнис

Бензините поевтинуваат за еден, а дизелот за половина денар

Цената на бензините од ноќеска на полноќ се намалува за еден денар, а на дизелот и на екстра лесното масло за домаќинство за половина денар, одлучи денеска Регулаторната комисија за енергетика. Согласно новите цени, ЕУРОСУПЕР […]

Вести

Одбиено барањето на Кочан за одложување на затворската казна

Судија за извршување санкции при Основниот кривичен суд – Скопје го одби барањето на бизнисменот Сеад Кочан поради здравствени причини да му биде одложено издржувањето на затворската казна од четири години и осум месеци за […]