Макрон утре ќе отпатува за Либан


Макрон вечерва ќе се обрати на нацијата за ситуацијата со коронавирусот - МИА

Париз, 5 август 2020 () – Претседателот на Франција, Емануел Макрон утре ќе отпатува за Либан, за да се сретне со сите политички актери, по експлозијата што го разурна Бејрут при што загинаа најмалку сто лица, а илјадници се повредени, соопшти денеска Елисејската палата.


 

Предвидено е Макрон да се сретне со претседателот и премиерот на Либан, Мишел Аун и Хасан Диаб.

Во соопштението на Елисејската палата се наведува дека Франција веќе испратила екипаж, опрема и помош во Либан. Од Марсеј испратена е итна опрема и медицински екипаж од девет лица.

– Три авиони денеска ќе полетаат за Бејрут, еден од Марсеј со медицински тимови, еден од парискиот аеродром Руаси со 25 тони опрема и безбедносни тимови на Министерството за внатрешни работи, изјави шефот на француската дипломатија Жан-Ив ле Дриан.

Тој додаде дека Франција во следните денови ќе преземе иницијатива за мобилизирање на меѓународна помош, посебно на европско ниво.

– Сега е важно да се покаже меѓународна солидарност, истакна Дриан.