Макрон користи апликација за контрола на своите министри и нивната активност


Претседателот на Франција Емануел Макрон има пристап до апликација што ги покажува успесите и неуспесите на неговите министри и тоа во реално време, јавува дописникот на МИА.

Според БФМ ТВ и Ле Фигаро, шефот на француската држава имал специјална алатка, која не е достапна за јавноста, за да го процени напредокот на петгодишниот реформски проект, и ова се однесува на сите министерски ресори. Апликацијата ги синтетизира сите податоци пријавени во реално време од дирекцијата за јавната трансформација, а шефот на државата има пристап до активностите на целиот владин тим на Едуар Филип.

Апликацијата била изработена од тројца високи функционери многу блиски до извршната двојка, вклучувајќи го и нивниот најблизок соработник: Алексис Кохлер, генерален секретар на Елисејската палата и Бенедикт Рибадеу-Думас, генерален секретар на Матињон. Томас Казенав, меѓуминистерски делегат за јавна трансформација, исто така, наводно учествувал во проектот.

Според Ле Фигаро, за време на последниот владин семинар, Претседателот на Републиката ја пријавил оваа апликација, укажувајќи дека ги има кодовите и тој редовно ги разгледувал податоците. Информацијата малку ја „замрзнала“ министерската маса, според еден од неименуваните учесници.

Ова е начин Претседателот на Републиката да изврши притисок врз неговите министри по една година обележана со социјални немири од жолтите елеци и на почеток на опасна година за извршната власт. Долго одбиен, законот за биоетика, вклучувајќи го и вештачкото оплодување за сите за сите, сега е во дискусии, како и експлозивната реформа на пензиите.

Сите овие се теми ветуваат деликатна социјална есен за Емануел Макрон, кој нема друг избор освен да го започне Актот II од неговиот петгодишен мандат. Ова само на неколку месеци пред општинските избори, кои се исто толку многу значајни и неизвесни за неговата партија Републиката во движење.


Вести

На ТОАРИЛУЦ почина една од повредените во експлозијата во Романовце

На Клиниката за трауматологија, ортопедски болести, анестезија, реанимација и интензивно лекување и Ургентен центар (ТОАРИЛУЦ) почина 36-годишна жена, која беше една од повредените во експлозијата на плинска боца што се случи пред три дена во […]

Вести

Италија: Шест деца позитивни на новиот коронавирус

Шест деца се позитивни на новиот коронавирус, изјавија неименувани извори за италијански медиуми. Повеќето случаи доаѓаат од „жариште“ во округот Лоди, кое е во карантин поради епидемија во северна Италија. Најмладата е четиригодишно девојче од […]

Балкан

Сериозни инциденти на Лезбос и Хиос – над 60 повредени

На грчките острови Лезбос и Хиос и денеска продолжија протестите на локалното население против изградбата на затворените центри и повторно кулминираа со судири меѓу граѓаните и полицијата, во кои, според локалните медиуми, повредено е вкупно […]