Макрон и се заблагодари на „драгата Ангела“, по изборот на нов германски канцелар


Францускиот претседател Емануел Макрон и оддаде почит на Ангела Меркел во видео порака откако нејзиниот наследник Олаф Шолц беше избран за нов канцелар на Германија во парламентот во Берлин.


 

„Ти благодарам, драга Ангела, што никогаш не ги заборави лекциите од историјата, што направи толку многу за нас, со нас, за да ја придвижиме Европа напред“, напиша Макрон во твитот со линк до видеото.

На него беа прикажани снимки од смеење, прегрнување и соработката на двајцата лидери на меѓународните самити.

Во видеото се вклучени делови од говорот на Макрон до Меркел за време на нејзината проштална посета на Бон пред нешто повеќе од еден месец. Се гледа како и кажува на државничката ветеран дека многу работи го научила и го прифатила како млад, темпераментен претседател.