Мајкрософт за пет минути изгуби 17 милијарди долари



– Aкциите на „Мајкрософт“ вчера забележаа пад на цените откако федералниот судија нареди привремено прекинување на договорот со ЈЕДИ што Пентагон го додели на компанијата минатата година.

Поради падот на цените на акциите, технолошкиот гигант изгуби 17 милијарди долари пазарна вредност за само пет минути.

Пазарната вредност на „Мајкрософт“ сега е околу 1,4 билиони долари, покажуваат податоците на „Блумберг“.

Тоа е третата највредна фирма на светот, по Ејпл и Сауди арамка, кои вредат 1,43 и 1,77 билиони долари.

Судот донесе одлука откако „Амазон“ минатата недела поднесе барање до Министерството за одбрана да го суспендира договорот од 10 милијарди американски долари наречен Проект за заедничка одбранбена инфраструктура (ЈЕДИ).

Целта на проектот е да се изгради простор за чување и управување со чувствителни воени и одбранбени податоци.

Пентагон го додели овој проект на „Мајкрософт“, со што го исфрли „Амазон“ кој важеше за фаворит. По загубата, „Амазон“ се обиде да ја оспори одлуката, обвинувајќи го Пентагон за пристрасност, пренесува Банкер.

Судот донесе одлука за привремено прекинување на доделување на проектот се додека не се расчисти правната битка за овој договор.


Вести

Дневен преглед на состојбата со Ковид-19 во светот

Според последните податоци, досега во светот 33.951.767 лица биле заразени со новиот коронавирус. Како резултат на Ковид-19, починале 1.014.644 пациенти, а се опоравиле 25.217.358 лица. Во последните 24 часа во Германија се регистрирани 1.798 нови […]

Вести

Објавени распореди на часовите за наставата на МРТ

Учениците кои немаат ИТ-уреди за да следат онлајн-настава преку платформата, часови ќе  гледаат на Македонската радио-телевизија на која секој ден ќе бидат прикажувани 15-минутни видеа за секој наставен час. Часовите ќе почнуваат во 8.30 часот […]

Вести

Регистрирани 194 новозаразени, починаа 2 лица

Во последните 24 часа се направени 1697 тестирања, а регистрирани се 194 нови случаи на ковид-19 во: Скопје-77, Куманово-9, Дебар-3, Штип-5, Прилеп-11, Тетово-16, Струга-3, Велес-5, Битола-6, Охрид-2, Кавадарци-3, Гостивар-5, Гевгелија-1, Струмица-9, Крива Паланка-3, Радовиш-6, Кочани-10, […]