Ковид-19: Не стивнува епидемијата во Русија, над 10 илјади новодијагностицирани


Руските банки одобриле бескаматни кредити за 30 милијарда рубљи за бизнисот за исплата на плати - МИА

Москва, 8 мај 2020 () – Во Русија, во последните 24 часа се регистрирани 10.699 нови случаи на инфицирани со новиот коронавирус, така што вкупниот број заболени достигна 187.859 лица. Русија се наоѓа на петтото место во светот по бројот на пациенти со Ковид-19.



Во последните 24 часа починаа 98 луѓе, а вкупно 1.723 од почетокот на епидемијата.

Најголем број пациенти има во Москва, каде за едно деноноќие се регистрирани 5.846 нови случаи, односно вкупно 98.522.

Во Москва вчера беше продолжен до 31 мај режимот за ограничено движење во рамки на борбата против коронавирусот, а указот за тоа го потпиша градоначалникот на Москва, Сергеј Собјанин.