Кина и се закани на Германија поради средбата на Маас со Вонг


Кина денеска официјално го повика германскиот амбасадор во Пекинг и се закани со негативни последици за билатералните односи, откако министерот за надворешни работи Хајко Маас се сретна со лидерот на протестите во Хонг Конг Џошуа Вонг.

Кинескиот амбасадор во Берлин, Ву Кен, рече дека Пекинг го „изразил своето длабоко незадоволство“ од „инцидентот“, осврнувајќи се на средбата меѓу Маас и Вонг.

Германското Министерство за надворешни работи потврди дека германскиот амбасадор бил повикан на состанок во кинеското Министерство за надворешни работи.

Ву рече дека кинеската Влада во неколку наврати побарала на Вонг да му биде забранет влез во Германија. Тој додаде дека состанокот ќе има негативни последици за билатералните односи меѓу Кина и Германија.

– Сакам да истакнам дека Хонг Конг и припаѓа на Кина и оти работите што се случуваат во Хонг Конг се предмет на домашната политика на Кина, рече Ву.

Џошуа Вонг, лидерот на продемократското движење во Хонг Конг, денеска во германската Влада во Берлин јавно го осуди полициското насилство и злоупотреба на службената должност за време на актуелните повеќемесечни демонстрации во овој полуавтономен кинески град, јави ДПА.

На прес-конференција во Берлин, Вонг изјави дека Германија треба да престане да извезува полициска опрема на владата во Хонг Конг сè додека протестите траат и додека таа опрема се користи против демонстрантите.

– Акциите зборуваат погласно од зборовите, рече Вонг.

Тој, исто така, од германската Влада побара да ги прекине трговските разговори со Кина сè додека на дневен ред не се стават и прашањата за човековите права. Тој рече дека и санкциите треба да се земат предвид.

Лидерот на протестот во Хонг Конг уште кажа и дека на средбата со германскиот министер за надворешни работи, Хајко Маас, во понеделникот, ги изразил овие свои барања, што Кина во меѓувреме остро ги критикуваше.

Вонг е во посета на Берлин на покана на весникот „Билд“. Тој пристигна во германската престолнина во понеделникот вечерта и меѓудругите разговараше и со Маас, на настан што весникот го организираше во ресторан на покривот од германскиот Парламент.

Неговата посета на Германија беше одложена за еден ден откако тој беше приведен на аеродромот во Хонг Конг за наводно кршење на условите за кауција.

Клучната фигура во антивладините протести во Хонг Конг подоцна беше ослободен откако судот ги процени условите за кауцијата и му дозволи да го реализира претходно планираното патување и оцени дека неговото апсење било неосновано.

– Хонг Конг е новиот Берлин во новата Студена војна, кажа Вонг на денешната средба со новинарите.


НБ ја затвори Еуростандард банка, штедачите ќе бидат обесштетени - МИА
Бизнис

НБ ја затвори Еуростандард банка, штедачите ќе бидат обесштетени

Скопје, 12 август 2020 () – Народната банка денеска ја затвори банката Еуростандард АД Скопје поради неисполнување минимални законски услови за работење. Како што соопшти гувернерката Анита Ангеловска-Бежоска, затворањето на Банката воопшто нема да ја доведе […]

Нови 173 случаи со Ковид-19, починати 15, оздравени 150 пациенти - МИА
Вести

Нови 139 случаи со Ковид-19, еден починат, 239 оздравени пациенти

Скопје, 12 август 2020 () – Во последните 24 часа се направени 1.627 тестирања, а регистрирани се 139 нови случаи со Ковид-19 во: Скопје-30, Куманово-20, Дебар-2, Штип-15, Прилеп-1, Тетово-6, Струга-8, Битола-2, Охрид-3, Кавадарци-8, Гостивар-19, Гевгелија-1, […]

Преговорите за новата влада по Илинден, ЕУ очекува стабилна коалиција и силен Парламент - МИА
Вести

В петок, според СДСМ, Заев ќе го добие мандатот, Мицкоски за нови избори ако се исцрпат можностите за формирање влада

Скопје, 12 јуни 2020 () – На два дена до рокот за доверување на мандатот за состав на Владата, официјално нема договор меѓу партиите кои освоија најмногу пратенички места. Од СДСМ тврдат дека Заев е […]