Кастанер: Европската координација е суштинска за повторното отворање на границите


Кастанер: Европската координација е суштинска за повторното отворање на границите - МИА

Париз, 16 мај 2020 () – Министерот за внатрешни работи на Франција, Кристоф Кастанер реагираше на повторното отворање на италијанските граници за туристите од земјите-членки на Европска Унија и укинувањето на задолжителниот карантин за странските посетители.

Според него, од суштинско значење е да се координираат одлуките за повторно отворање на границите во рамките на европскиот простор, жалејќи што тоа не е случај, по одлуките на Шпанија и Италија, јави дописникот на .

– Од суштинско значење е да можеме да имаме координирани одлуки на европско ниво, особено за шенген зоната. Ова не е случај денес, истакна францускиот министер за внатрешни работи.

Кастанер посебно реагираше на повторното отворање на границите на Италија за туристите од ЕУ и укинувањето на задолжителниот карантин за странските посетители на полуостровот, што денеска го најави Рим.

– Едностраната одлука на Шпанија оваа недела и изутринава на Италија не е во насока на она што треба да го направиме за да работиме во солидарност. Ќе имам можност да разговарам со мојот (италијански) колега во текот на викендот, за да можеме да ги прилагодиме нашите правила, рече Кастанер

Мадрид, исто така, објави оваа недела дека ќе примени мерка од две недели карантин за секој што доаѓа од странство, иницијатива која малку се допадна на Франција, која одлучи како реципроцитет да воведе иста мерка за патниците кои доаѓаат од Шпанија, дури и ако во моментов има многу мал сообраќај меѓу двете земји, исклучувајќи ги прекуграничните работници.

Речиси сите граници во рамките на европскиот простор (шенген зоната, ЕУ и Велика Британија) подлежат на ограничувања, но целта е да се отворат границите, со договор и одлука околу 15 јуни. Европската комисија во средата изрази желба за  „усогласено“ и „недискриминирачко“ повторно отворање на внатрешните граници на ЕУ.


Изборите ќе ги следат над 2.000 домашни и странски набљудувачи - МИА
Вести

Изборите ќе ги следат над 2.000 домашни и странски набљудувачи

Скопје, 9 јули 2020 () – Предвремените парламентарни избори во Северна Македонија ќе ги следат над 2.000 домашни и странски набљудувачи. Според роковникот на ДИК, денеска е последен ден до кога домашните и меѓународните набљудувачи […]

На гласање задолжително со маска и со двојна дезинфекција - МИА
Вести

На гласање задолжително со маска и со двојна дезинфекција

Скопје, 9 јули 2020 () – Гласањето на претстојните избори, и покрај актуелната пандемија на Ковид-19, ќе биде безбедно за граѓаните кои ќе решат да го остварат своето избирачко право, тврдат надлежните. Ќе се гласа […]

Уште четири дена до крајот на изборната кампања - МИА
Вести

Уште четири дена до крајот на изборната кампања

Скопје, 8 јули 2020 () – Изборната кампања за предвремените парламентарни избори на 15 јули е при крај. Партиите пред граѓаните ветуваат правда која ќе функционира неселективно и транспарентно, подигната економија и развој за наредниот […]