Извештај: Климатските промени се среднорочна закана по човековата цивилизација

Комбинација на се посериозни последици од климатскикте промени и бавната реакција на луѓето, го оставаат човештвото на меланхоличен пат што води во хаотичен свет што може да предизвика глобален општествен колапс, се нагласува во новиот извештај на мелбурншката организација Брејктру Нешнал центар во Клајмат Ресторејшн.

Извештајот беше претставен од Крис Бери, поранешен началник на австралиските одбранбени сили и пензиониран адмирал на австралиската морнарица.

– Авторите изнесоа сурова вистина за безнадежната ситуација во кој се наоѓа човештвото и нашата планета. Во извештајот се истакнува дека постои реална можност човековиот род да оди во насока на истребување, вели Бери.

Еден од заклучоците е дека климатските промени се среднорочна закана за човековата цивилизација и дека светските влади мора да ги зајакнат своите напори во борбата против глобалнто затоплување. Штетните ефекти од глобалното затоплување ќе се одразат на намалена количина на храна и вода во некои делови и тоа ќе биде катализатор за социо-политички нестабилности и зголемен немир и судири во светот.

Авторите на извештајот пресметале дека ако се продолжи загадувањето со сегашното темпо, до 2050 година ќе има зголемена температура за три степени Целзиусови во однос на прединдустрискиот период. Ефектот би бил топење на ледени површини, широко распоространето губење на пермафрости, суша и измумирање на живот во делови од Амазонија.

– Дестабилизацијата на воздушните струи значително ќе влијае на интензитетот и географската дистрибуција на азиски и африкански монсуни, а заедно со дополнителното успорување на Голфската струја во прашање се доведуваат и системите за одржување на живитот во Европа, се истакнува во извештајот. Северна Америка би била изложена на катастрофални климатски екстреми, вклучително пожари, топлотни бранови, суша…Би исчезнале летните монсуни во Кина, а нивото на големите азиски реки би било значително пониско поради губење на повеќе од една третина од хималајскиот мраз.

Губењето на глечерите на Андите би било и до 70 отсто а врнежите во Мексико и Централна Америка би се намалиле за 50 отсто.

Вести

Работните групи не постигнаа договор за законот за Јавно обвинителство 

Работните групи во врска со законот за Јавно обвинителство денеска одржаа куса средба на која не беше постигнат договор. Како што посочија министерката за правда Рената Дескоска и пратеникот Антонио Милошоски од ВМРО-ДПМНЕ, меѓу нив […]

Вести

Јовановски излезе без исказ од ОЈО, но со решение за завршена истрага

Првоосомничениот во предметот „Рекет“ на ОЈО, Бојан Јовановски – Боки 13, денеска по еден час разговор во Обвинителството не даде исказ. Неговиот адвокат Сашо Дуковски смета дека Јовановски сакал да даде исказ но, според него, […]

Вести

Верушевски: Документацијата за прислушуваните разговори беше во СДСМ

Поранешниот разузнавач Зоран Верушевски, кој денеска како сведок беше повикан за случајот „Таргет-Тврдина“ изјави дека првите информации за прислушуваните разговори ги добил кон крајот на 2010 година кога работел како одговорен за безбедносната политика во […]