Иранските власти затвораат училишта во два града за да спречат ширење на Ковид-19


Иран ќе затвори училишта, универзитети и едукативни центри во два централни града за да спречи ширење на новиот коронавирус, јави државната телевизија.



Во соопштението се вели дека затворањето ќе почне утре и ќе трае два дена во градот Ком, каде од вирусот починаа две лица, а една недела во градот Арак.

Иран денеска објави за уште еден смртен случај меѓу 10 нови случаи на коронавирусот, со што вкупниот број на смртни случаи во Исламската Република е пет и заразени се 28.