Иранската федерација за кревање тегови му забрани на Мустафа Раџаи доживотно да се натпреварува поради разговор и ракување со израелски натпреварувач на Светското првенство.

Раџаџи го освои сребрениот медал и се качи на подиумот заедно со бронзениот медал од Израел на натпреварот во Полска.

Поради тоа, федерацијата му изрече доживотна забрана за влез во сите спортски објекти во државата.

Иранските власти им забрануваат на спортистите директно да се натпреваруваат со Израелците.

Затоа, иранските спортисти често прибегнуваат кон различни методи, како што се предавање натпревари или глумење повреда за да избегнат директни дуели со Израелците.

Кој управува со Иран

Иранската спортска алпинистка се вратила дома, вели дека хиџабот и паднал случајно
„Не значи не“: Иранките протестираат против задолжителниот хиџаб
Антивладините протести во Иран се префрлија и на Светското првенство

Раџаи (40) во саботата стоел до израелскиот спортист Максим Свирски, обвиен со иранско знаме.

Двајцата беа на натпреварот на легендите на овој спорт во Полска.

Раџаи претходно го претставуваше Иран на Азиското првенство во кревање тегови во Тајланд во 2015 година и е поранешен репрезентативец на Иран.

Државната новинска агенција Ирна објави дека тој „ги преминал црвените линии поставени од Исламската Република“.

Иранската федерација за кревање тегови го отпушти и шефот на натпреварувачката екипа Хамид Салехини поради инцидентот.

Ајатолахот Али Хамнеи, врховниот лидер на Иран, ги повика иранските спортисти во 2021 година да не се ракуваат со израелските натпреварувачи доколку освојат медал.

Некои ирански спортисти ја игнорираа забраната, бегајќи во странство.

Шаховскиот велемајстор Алиреза Фиружа ја напушти земјата откако му беше забрането да се натпреварува на Светското првенство во 2019 година поради загриженост дека ќе се соочи со израелски играч.