Индонезиска подморница исчезна за време на воена вежба крај островот Бали


 Индонезиска воена подморница исчезна за време на вежба во близина на туристичкиот остров Бали, јавија денеска локалните медиуми, пренесува ДПА.


 

Подморницата од германско производство „KRI Nanggala-402“, денеска, во раните утрински часови, изгуби контакт со командата на околу 95 километри северно од Бали, соопшти порталот Компас.ком.

-Контактот беше изгубен веднаш откако подморницата доби одобрение да се нурне, изјави началникот на индонезиските воздухопловни сили, маршал Хади Тјахјанто.

Армијата веќе побарала помош од Сингапур и Австралија во лоцирање на подморницата, се наведува во извештајот.

Засега не е познато колкав персонал имало во подморницата.

Подморницата е изградена од германската компанија за изградба на бродови Хавалдсверке-Дојче Верфт кон крајот на 1970-тите, пренесува ДПА.