Индонезија ќе ги вакцинира прво работниците, а не постарите граѓани


Индонезија се подготвува да започне масовна вакцинација против КОВИД-19 и според планот на индонезиската Влада, приоритет ќе им се даде на работоспособните граѓани наспроти старите лица, со цел брзо да го достигнат имунитетот и да ја заживеат економијата, пример што останатите земји ќе го следат внимателно, пишува reuters.com.



За разлика од Индонезија, некои земји како Соединетите Американски Држави и Велика Британија кои веќе започнаа со вакцинирање, им даваат приоритет на постарите луѓе кои се поранливи на респираторната болест.

Следат гледиштата на експертите за заслугите и ризиците на индонезискиот пристап, според кој возрасните на работоспособна возраст ќе се вакцинираат по здравствените работници и јавните службеници.

ЗОШТО ПРВО ОНИЕ ГРАЃАНИ ОД 18-59 ГОДИНИ?

Индонезија, која планира да започне со масовна вакцинација развиена од кинеската компанија „Sinovac Biotech“, вели дека сè уште нема доволно податоци за ефикасноста на вакцината кај постари лица, бидејќи во клиничките испитувања во земјата се вклучени лица на возраст од 18-59 години.

„Ние не го прифаќаме овој тренд“, изјави Сити Надија Тармизи, висок службеник во Министерството за здравство, додавајќи дека властите чекаат препораки од регулаторите за лекови во земјата да одлучат за плановите за вакцинација за стари лица.

Додека Велика Британија и Соединетите Американски Држави започнаа со вакцинирање со вакцина развиена од Pfizer Inc и нејзиниот партнер BioNTech, што покажа дека работи добро кај луѓе од сите возрасти, Индонезија има првичен пристап само до вакцината Sinovac.

Земјата од Југоисточна Азија има договор да добие 125,5 милиони дози од вакцината Sinovac, а првата група од 3 милиони дози веќе се наоѓаат во земјата.

Испораките на вакцината Pfizer во земјата се очекува да започнат од третиот квартал, додека вакцината развиена од AstraZeneca и Универзитетот Оксфорд ќе започне да се дистрибуира во вториот квартал, пишува Reuters.

„Мислам дека никој не може да стане премногу догматичен за тоа кој е вистинскиот пристап“, изјави Питер Колињон, професор по заразни болести на Националниот Универзитет во Австралија, додавајќи дека стратегијата на Индонезија може да го забави ширењето на болеста, иако може да не влијае на смртната стапка.

„Она што Индонезија го прави тоа различно од САД и Европа е вредно, бидејќи ќе покаже (дали) ќе се забележи подраматичен ефект во Индонезија или во Европа и САД заради стратегијата што ја прават, но јас не мислам дека никој го знае одговорот моментално“.

Професорот Дејл Фишер од Медицинскиот факултет Јонг Ло Ли Лин на Националниот универзитет во Сингапур рече дека го разбира рационалниот пристап на Индонезија.

„Помладите возрасни кои работат се генерално поактивни,се дружат и патуваат повеќе, затоа оваа стратегија треба да го намали пренесувањето на вирусот побрзо, отколку да ги вакцинира постарите лица“, рече тој.

ДАЛИ ЌЕ ПОМОГНЕ БРЗО ДА СЕ СОЗДАДЕ ИМУНИТЕТОТ?

Со вакцинирањето на повеќе социјално подвижни и економски активни групи, претставниците на индонезиската влада се надеваат дека владата може брзо да се создаде имунитет.

Буди Гунади Садикин, министер за здравство во Индонезија, рече дека земјата треба да вакцинира 181,5 милиони луѓе, или околу 67% од нејзиното население, за да достигне имунитет и потребни се скоро 427 милиони дози вакцини, претпоставувајќи режим на двојни дози и 15% стапка на трошење.

Некои експерти се скептични во однос на достигнувањето на имунитет, бидејќи треба да се направат повеќе истражувања за да се утврди дали вакцинираните луѓе можат да го пренесат вирусот или не.

„Може да има ризик од луѓе кои се уште се способни да ја шират болеста на другите“, рече Хасбулах Табрани, шеф на Индонезиската здравствена економска асоцијација.

ДАЛИ ОВА ЌЕ ПОМОГНЕ ВО ЕКОНОМСКАТА ОБНОВА?

Економистите тврдат дека успешната програма за вакцинација кој опфаќа околу 100 милиони луѓе ќе помогне во рестартирањето на економијата, бидејќи е поверојатно таа категорија на граѓани да продолжи со економската активност како што се трошењето и производството.

Фајсал Рахман, економист во Банката Мандири, рече дека возрасната група од 18 до 59 години има потреби за потрошувачка што се повисоки од другите групи.

„Тие можат побрзо да го поттикнат економското закрепнување затоа што потрошувачката на домаќинствата придонесува повеќе од 50% во економијата на Индонезија“, рече тој, предупредувајќи дека зголемувањето на случаите на КОВИД-19 во земјата може да ризикува и со намалување на довербата на луѓето.

Пандемијата ја втурна Индонезија, најголемата економска сила во Југоисточна Азија, минатата година во својата прва рецесија по повеќе од две децении, со владина проценка на контракција од дури 2,2%.