Харвард и натаму водечки на Шангајската листа


Харвард и годинава ја предводи листата на најдобри универзитети во светот, позната како Шангајска листа. По него следуваат Стенфорд, Кембриџ, МИТ, Беркли, Принстон, Оксфорд, Колумбија, Калифорнискиот институт за технологија и Универзитетот во Чикаго, кој е на десетата позиција.

Првите десет позиции се речиси непроменети во однос на претходните години.

Што се однесува на регионот, годинава најдобро рангирани се Универзитетот во Загреб и Универзитетот во Белград, кои се најдоа во групата меѓу 401 и 500 место. Универзитетот во Љубљана е во групата меѓу 501 и 600 место, а Универзитетот во Нови Сад, како и минатата година е во групата меѓу 901 и 1000 место. И оваа година на листата нема македонски Универзитет, а ниту Албанија, Босна и Херцеговина, Косово и Црна Гора немаат свој претставник меѓу илјадата најдобри високообразовни институции во светот. Универзитетот во Атина е меѓу 300 и 400 место, а во Софија меѓу 900 и 1000 позиција.

Шангајската листа што секоја година ја објавува универзитетот Циао Тонг од Шангај е една од највлијателните листи која ги рангира најдобрите универзитети во светот. Тоа е неформална листа, но работа на престиж е да се биде на тој список, бидејќи опфаќа само два отсто од светските универзитети.

Клучни критериуми за рангирање на универзитетите, меѓу другото, се бројот на објавени научни трудови во меѓународни списанија, бројот на добитници на Нобелови награди и Филдсови медали кои студирале на универзитетот или работат таму, бројот на научни трудови објавени во списанијата Сајнс и Нејч, како и цитираност на истражувачите.


Втор ден карантин за Скопје, Куманово, Штип и Тетово - МИА
Вести

Втор ден карантин за Скопје, Куманово, Штип и Тетово

Скопје, 6 јуни 2020 () – За граѓаните на сите општини во градот Скопје, околните скопски општини Арачиново, Зелениково, Илинден, Петровец и Студеничани, во Куманово, Липково, Штип, Карбинци, Тетово, како и Боговиње, Брвеница, Теарце, Желино […]

Во шест градови во земјава нема повеќе активни случаи на Ковид-19 - МИА
Вести

Активни 1.009 случаи на заболени од Ковид-19, 90 отсто од новозаболените се од 15 фамилии

Скопје, 6 јуни 2020 () – Во земјава вчера беа потврдени 180 нови случаи на позитивни од Ковид-19, што е најголем број од почетокот на епидемијата досега, но министерот за здравство Венко Филипче информираше дека […]

Потврдени 120 нови случаи со Ковид 19, оздравени 16, починати двајца пациенти - МИА
Вести

Вкупно 180 нови случаи на КОВИД-19, двајца починати, најмногу заболени во Скопје

Скопје, 5 јуни 2020 () – Вкупно 180 нови случаи позитивни на КОВИД -19 се евидентирани во изминатите 24 часа, објави Министерството за здравство. Починати се двајца пациенти – едниот на возраст од 52 години […]