Францускиот предлог не е прифатлив за сите земји членки на ЕУ


Франција го искажала својот став за реформата на преговарачкиот процес на денешниот министерски состанок во Брисел, но не сите земји членки на ЕУ се задоволни со француските предлози, порача денеска финската министерска за европски прашања, Тити Тупураинен.

 

Францускиот предлог, меѓутоа, не беше предмет на денешната дебата на Советот на општи работи на ЕУ, на дневен ред беше само размена на ставови на темата.

 

Од друга страна, Полска, Чешка, Словачка, Словенија, Австрија и Италија, од Европската Комисија инсистираат на конкретна перспектива за членство во ЕУ за земјите од регионот и се согласуваат за реформа на процес доколку Северна Македонија и Албанија добијат преговори во март 2020-та.

 

-Ги поздравуваме предлозите на сите земји членки, денеска не разговаравме за францускиот предлог, имавме округла маса за состојбата во која се наоѓаме, го слушнавме францускиот предлог, некои го поздравија, некои изразија загриженост, сега чекаме новата Европска Комисија да го започне својот мандат што е можно побрзо и да предложи идеи за напредок во методологијата, изјави на прес конференцијата финската министерка и претседавач со денешниот состанок.

 

За финското претседателство е важно денеска да се испрати сигнал до регионот дека ЕУ останува „целосно посветена“ на проширувањето и на европската перспектива на западниот Балкан.

 

-Повторивме дека е потребно реформите во земјите од Западен Балкан да продолжат и да се подготват следните чекори за напролет, рече Тупураинен.

 

Советот на ЕУ мора да чека новата Европска Комисија да стапи во сила, најрано на први декември годинава, за да и наложи да изготви нови предлози за реформа на методологијата. Тупураинен не можеше да каже дали новата методологија ќе се однесува на земјите кои веќе преговараат со ЕУ, односно Србија и Црна Гора. За тоа мора да се чека ставот на Европската Комисија која како чувар на повелбите е овластена да го интерпретира правото на ЕУ.

 

-Не е вистина дека ништо не правиме, да не правевме ништо, немаше да ја имаме темата на дневен ред денеска, овој период е специјален затоа што има институционална транзиција, одговори финската министерка на новинарско прашање.


Вести

Во експлозијата во Бејрут загинаа најмалку 78 луѓе, а околу 4.000 се повредени

Бејрут, 5 август 2020 () – Најмалку 78 лица загинаа, а околу 4.000 се повредени во  експлозијата што вчера се случи во пристаништето во центарот на Бејрут, соопштија либанските власти. Тој дел од градот е […]

Пет починати, нови 75 заразени и казни за непочитувачите на протоколите против Ковид-19 во Охрид - МИА
Вести

Пет починати, нови 75 заразени и казни за непочитувачите на протоколите против Ковид-19 во Охрид

Скопје, 5 август 2020 () – Нови 75 случаи позитивни на коронавирусот вчера беа регистрирани од направени 830 тестирања. Во претходното деноноќие беа регистрирани и пет смртни случаи, а оздравени 136 пациенти. Во земјата досега […]

ОС Велес му одреди 30 дена притвор на Владмир Панчевски - МИА
Вести

Три и пол години затвор за Владимир Панчевски

Велес, 4 август 2020 И) – Поранешниот претседател на Кривичен суд Скопје, Владимир Панечвски, обвинет за злоупотреба на системот АКМИС, вечерва од страна на Велешкиот суд беше прогласен за виновен и осуден на три години […]