Франција го презеде претседавањето со Комитетот на министри на Советот на Европа


Франција денеска од Финска го презеде претседавањето со Комитетот на министри на Советот на Европа, на состанокот во Хелсинки на кој присуствуваа 30 министри за надворешни работи на земјите членки на оваа најстара паневропска организација, јави дописникот на МИА од Стразбур.

На состанокот претседателот на Комитетот на министри во заминување, шефот на финската дипломатија Тимо Соини ги претстави резултатите од претседавањето на Финска, меѓу кои како едно од најзначајните постигнувања е останувањето на Русија во Советот на Европа, спор која беше надминат токму на заседанието во Хелсинки.

Потоа, францускиот државен секретар за европски прашања Амели де Монтшалин пред Комитетот на министрите ги претстави приоритетите на француското претседавање за следните шест месеци.

Главните цели на француското претседавање се зачувување и зајакнување на европскиот систем за заштита на човековите права, изградба на Европа која зближува и обединува, промовирање еднаквост и соживот, како и прилагодување на Советот на Европа на современите текови, преку давање одговори на новите предизвици за човековите права и владеењето на правото, вклучувајќи ги тука и дигитализацијата и вештачка интелигенција.

Вести

Новиот закон за ЈО утре во Собранието, власта очекува поддршка од опозицијата

Владата утре Предлог-закон за Јавно обвинителство ќе го прати во Собранието. Очекуваме своите ставови пратениците да ги кажат во законодавниот дом, а ако имаат забелешки и да поднесат амандмани. Градењето дво-третинско мнозинство ќе биде во […]

Бизнис

Бензините поевтинуваат за еден, а дизелот за половина денар

Цената на бензините од ноќеска на полноќ се намалува за еден денар, а на дизелот и на екстра лесното масло за домаќинство за половина денар, одлучи денеска Регулаторната комисија за енергетика. Согласно новите цени, ЕУРОСУПЕР […]

Вести

Одбиено барањето на Кочан за одложување на затворската казна

Судија за извршување санкции при Основниот кривичен суд – Скопје го одби барањето на бизнисменот Сеад Кочан поради здравствени причини да му биде одложено издржувањето на затворската казна од четири години и осум месеци за […]