ЕУ се закани со 12 милијарди долари царини врз американски производи

Трговската војна меѓу САД и ЕУ не стивнува целосно, па овој пат ЕУ се закани со царини поради американските субвенции за „Боинг“, јави дописничката на МИА од Брисел.

Европската комисија денеска го објави списокот на производи за кои е подготвена да воведе нови царини, како одговор на мерките на помош кои САД му ги дава на гигантот „Боинг“, кој е најголем конкурент на европскиот авиопроизводител „Ербас“.

Списокот на производи кои би можеле да бидат цел на царини од европска страна одат од кечапот до автомобилски делови, замрзнат лосос, видео игри или пак торби и чанти. ЕУ смета дека приходите од овие царини се еднакви на претрпената штета поради субвенциите за „Боинг“.

До 31 мај ќе се одржи јавна консултации со сите засегнати страни, по што ќе биде донесена одлука дали ќе стапат на сила овие европски контра – мерки.

Еврокомесарката за трговија Сесилија Малмстром порача дека ЕК е принудена на ваков чекор за да ги „одбрани еднаквите правила на игра“ во меѓународната трговија, но истакна дека ЕУ не сака ескалација на тензиите и останува отворена за дијалог.

Најавата на ЕУ доаѓа по онаа на американскиот претседател Доналд Трамп, кој исто така најави царини за европски производи поради субвенциите на Унијата за „Ербас“.
„Ербас“ и „Боинг“ со години водат трговски спор и се обвинуваат взаемно за нелегална државна помош.

Паралелно на ова, САД лани ги зголемија царините за увоз на челик и алуминиум, мерка која силно ги погоди европските производители. Брисел и Вашингтон се обидуваат да изнајдат излез од оваа криза, преку нов ограничен трговски договор.


Вести

За победа во прв круг потребни 904.066 гласови, во вториот 723.253

Денеска се одржува првиот круг од претседателските избори. На изборите право на глас имаат 1.808.131 избирач, кои можат да изберат меѓу тројца кандидати Блерим Река, Гордана Силјановска-Давкова и Стево Пендаровски. Во првиот круг победник може да […]

Вести

Отворена телефонска линија кај Омбудсманот за пријавување повреди на избирачко право

Граѓаните денеска на денот на одржувањето на првиот круг од Претседателските избори 2019, и предвремените избори за градоначалник за општините Охрид, Дебар и Ново Село ќе можат да пријават каква било повреда на избирачкото право […]

Вести

Граѓаните го избираат петтиот претседател, прв на Република Северна Македонија

Во Република Северна Македонија денеска се одржува првиот круг од шестите претседателски избори. Во претседателската трка се кандидатот на СДСМ и коалицијата Стево Пендаровски, на ВМРО-ДПМНЕ и коалицијата Гордана Силјановска-Давкова и Блерим Река, кој е поддржан од […]