ЦСИС: Забележани знаци на активност во севернокорејскиот нуклеарен комплекс Јонгбјон

Центарот за стратешки и меѓународни студии во Вашингтон (ЦСИС) во најновиот извештај наведува дека речиси по два месеци од пропаднатите разговори за денуклеаризација помеѓу американскиот претседател Доналд Трамп и лидерот на Северна Кореја, Ким Џонг-ун, забележани се знаци на активност во главниот севернокорејски комплекс Јонгбјон.

Според ЦСИС сателитските снимки направени на 12 април покажуваат пет вагони во близина на фабриката за збогатување на ураниум и лабораториите за радиохемија на нуклеарниот комплекс Јонгбјон.

Во минатото изгледаше дека тие специјализирани вагони се поврзани со дислоцирањето на радиоактивните супстанции или со кампањата за преработка на ураниумот. Сегашната активност, како и изгледот на вагоните не ја исклучува можноста да се работи за операции пред или по процесот за преработка на ураниумот, се наведува во извештајот на ЦСИС.

По првиот историски самит на Трамп и Ким во 2018 година во Сингапур донесена е општа заедничка декларација за целосна денуклеаризација на Корејскиот Полуостров. Втората средба во февруари во Ханој неуспешно заврши без никаков напредок за тоа прашање. Со што се доведе до прашање иднината на процесот на денуклеаризација, иако и двете страни изразија желба за продолжување на преговорите.

Јонгбјон се наоѓа на околу 100 киломерти северно од Пјонгјанг и таму се наоѓа првиот севренокорејски нуклеарен реактор, извор на плутониум за забранети севернокорејските воени програми.

Но, Јонгбјон не е единствен комплекс за збогатување на ураниум во Северна Кореја. Според американските разузнавачки служби оценуваат дека има уште два такви центра, еден во близина на Кангсонг, предградие на Пјонгјанг и уште еден на непозната локација.

Северна Кореја ги прекина нуклеарните проби и тестирањата на балистички ракети во рамките на дипломатскиот процес почнат во 2018 година. Но, Меѓународната агенција за атомска енергија (МААЕ) соопшти дека има индиции дека Јонгбјон уште работел во февруари.


Вести

Демократски дебати неделава во САД – прва предигра за изборите во 2020 година

Пред милиони Американци неделава на првите демократски дебати ќе се појават на едно место речиси дваесетмина кандидати во трка за номинирање претстедателски кандидат од Демократската партија на изборите следната година. Иако застапуваат различна идеологија – […]

Вести

Прифатено барањето на Јанкулоска за одложување на затворската казна за „Тенк“

На поранешната министерка за внатрешни работи Гордана Јанкулоска и е прифатено барањето да и се одложи четиригодишната затворска казна за случајот „Тенк“. Како што соопшти денеска Основниот кривичен суд – Скопје, извршувањето на казната се одложува се […]

Вести

Заменик-министерот за образование Петар Атанасов поднесе оставка

Заменик-министерот за образование и наука Петар Атанасов на својот фејсбук-профил во отворено писмо до премиеот Зоран Заев и до јавноста соопшти дека поднесува оставка од функцијата. Како што вели, неговата позиција станува „неодржлива и неефективна“ […]