Бразилските сенатори побараа обвинение против претседателот Болсонаро заради одговорот на Ковид-19



ript>

Министерот за здравство на Бразил мисли дека Болсонаро ќе го разреши - МИА

– Истражниот комитет на бразилскиот Сенат вчера го прифати извештајот со кој се бара покренување обвинение против претседателот Жаир Болсонаро за девет кривични дела поврзани со одговорот на пандемијата против Ковид-19, вклучувајќи го и злосторство против човештвото.


 

Во извештајот на повеќе од 1.300 страници, што се подготвуваше околу шест месеци од комисијата контролирана од опозицијата, исто така, се тврди дека криминал со одговорот на пандемијата сториле уште 77 лица, како и две фирми.

Нацрт-извештајот, што беше објавен минатата недела, предвидуваше обвиненија против Болсонаро за геноцид и убиство, но сенаторите решија да ги отфрлат тие квалификации поради, како што рекоа, технички причини.

Тие, исто така, одлучија да додадат уште 10 лица на списокот на поединци кои треба да бидат обвинети.

Меѓу луѓето на оваа листа е и Вилсон Лима, гувернерот на државата Амазон, во внатрешноста на земјата, каде што недостигот на болнички кислород на почетокот на оваа година предизвика смртни случаи со гушење.

Федералните власти ја истражуваат владата на Лима за корупција поврзана со купување на медицинска опрема.

-Хаосот на владата на Жаир Болсонаро ќе влезе во историјата како најниско ниво на човечка беда, рече сенаторката Ренана Калхеирос, автор на извештајот, додавајќи дека претседателот е „на страната“ на диктаторите, вклучувајќи ги Адолф Хитлер и Аугусто Пиноче.

Лима ги отфрли наводите против него во извештајот и вели дека авторите на извештајот го политизираат проблемот со пандемијата.

-Вклучувањето на моето име во конечниот извештај е целосно мотивирано од политички и изборни причини, рече Лима во изјавата.

„Јас дури и не бев под истрага од одборот“, додаде тој.

Малку е веројатно Болсонаро да се соочи со какви било формални обвиненија, бидејќи тие ќе треба да бидат поднесени од бразилскиот Јавен обвинител, кој штотуку беше назначен од претседателот. Тој претходно ја отфрли истрагата на Сенатот како „шега“.