Белгија: Бројот на заразени двојно се зголемува на десетина дена



Белгија: Бројот на заразени двојно се зголемува на десетина дена - МИА

Брисел, 16 септември 2020 () – Бројот на заразени од Ковид-19 во Белгија двојно се зголемува секои дванаесет дена според Институтот за јавно здравје, јави дописничката на од Брисел.

Помеѓу 6. и 12 септември откриени се 779 нови случаи на коронавирус дневно во Белгија, што претставува зголемување од 52 отсто во споредба со претходните седум дена, изјавија од Институтот за јавно здравје на Белгија.

-Бројот на контаминации дуплира секои дванаесет дена, односно помалку од две недели, изјави портпаролот на Институтот, Ив Ван Латем и повика на поголема внимателност.

Иако сите возрасти се погодени, младите на дваесетгодишна возраст остануваат на врвот.

Географски најпогоден е главниот град, Брисел, со 166 нови заразени дневно изминатата недела, што претставува зголемување од 24 отсто во споредба со претходната, но најбрзо расте бројот на новозаразени во северниот дел од земјата, во источна Фландрија, за една недела бројот се зголемил за 111 отсто.

Загрижува фактот што покрај новозаболените расте и бројот на хоспитализации, со зголемување од 37 отсто, што е највисока стапка од 27 мај наваму. Ако до сега стапката на морталитет не се зголемуваше, Институтот забележува дека и во оваа категорија индикаторите се влошуваат. Помеѓу 6. и 12 септември починале 2,9 лица дневно, што претставува зголемување од 25 отсто во споредба со претходната недела.

Од почетокот на епидемијата, починале 9.930 лица во Белгија од Ковид-19.


Вести

Прв академски час на факултетите

– За новата генерација студенти, факултетите денеска традиционално ќе одржат прв академски час, кој поради пандемијата ќе се организира на отворено или онлајн. Ректорот на Универзитетот „Св. Кирил и Методиј“ Никола Јанкуловски новите бруцоши ќе […]

Вести

Почнува учебната година за учениците и студентите

– Одложено за учениците и редовно за студентите почнува учебната 2020/2021 година која е со многу неизвесности поради непредвидливост со заразата од КОВИД-19. Училишната година денеска треба да ја почнат 270 000 средношколци и основци, […]

Вести

Неизвесно потврдувањето на одлуките за вонредна состојба во Собранието

– Останува неизвесно дали Собранието ќе ги потврди петте одлуки за прогласување на вонредна состојба што ги донесе претседателот на државата Стево Пендаровски поради пандемијата со КОВИД-19, откако вчера Пратеничката група на ВМРО-ДПМНЕ најави дека […]

Биди првиот кој ќе коментира

Вашиот коментар

Твојата е-маил адреса нема да биде објавена.


*